ENTERTAINMENT

Pinusuan ng libu-libong mga netizen ang video ni Don Amuel Banta sa tiktok mula sa Batangas matapos umawit ang kanyang pamangkin ng “Secret love song” ng little mix.
Sa video maririnig ang labindalawang taong gulang na bata na si ryen sa napaka-husay na pag-awit nito kasabay ng kanyang tiyuhin.
Ilang netizens ang nag-iwan namana ng komento sa naturang video,
“The quality of her voice. ‘yung vibrato nakakanginig, ibang klase din ‘yung hinga sa high keys,”
“Ano bang tubig n’yo diyan baka nakakaganda ng boses” ; “Partida naka-upo pa ‘yan” anila sa video.

Opisyal nang inilabas ang headshot ni Celeste Cortesi para sa Miss Universe 2022.

Ibinhagi ito ng Miss Universe Philippines Organization sa kanilang instagram account.

Nakasuot ng black dress ang beauty queen kung saan kitang kita rito ang ganda ng kaniyang awra.

Marami namang netizens ang napahanga kay Cortesi at umaasa na maiuuwi ang korona para sa bansa.

Binasag na ng aktres na si Angel Locsin ang katahimikan nito hinggil sa kumakalat na blind item patungkol sa relasyon nila ng kaniyang asawa na si Neil Arce.

Ayon sa blind item, isang female celebrity na kasal sa isang entrepreneur ang nagpahinga mula sa social media dahil may nabuntis umano na inactive actress ang asawa nito.

Mababatid na si Angel ay kasal kay Neil na isang film producer at inactive ang aktres sa social media.

Kaya naman naniniwala ang karamihan na tugma ang mga paglalarawan sa aktres.

Ngunit itinanggi ni Angel ang mga espekulasyon patungkol sa kanilang relasyon sa pamamagitan ng pagpo-post ng “resibo” na going strong pa rin ang kanilang relasyon.

Ibinahagi naman ng aktres sa kanyang Facebook page na may 24 million followers ang larawan nila ni Neil mula sa kanilang civil wedding na may caption na ” Together Forever. [Team Angel Ph].” -  sa panulat ni Hannah Oledan

Viral sa social media ang isang cute na batang babae kung saan pinagbabawalaan niya ang kanyang ama na uminom ng isang boteng alak.
Batay sa ibinahagi ni Neil Ezekiel Pador sa kanyang facebook account kahit kikunkumbinsi ng ama ang kanyang anak ay ayaw talagang paawat nito.
Makikita pa sa video na tila galit-galitan si baby girl at nagbanta pa ngang itatapon nito ang alak kung hindi titigilan ng ama.
Maraming netizen naman ang napa-good vibes ng video na ito dahil sa asta ni baby girl.

Nagpaabot ng sweet message si Carmina Villaroel sa kanyang asawa na si Zoren Legaspi para sa kanilang 10th wedding anniversary.

Sa instagram, ibinahagi ni Carmina ang video kung saan makikita ang ilang throwback photos nila ni Zoren.

Ayon kay Carmina, marami na silang pinagdaanan at sinabing hindi niya malalampasan ang lahat ng ito kung hindi niya kasama ang kanyang asawa.

Say pa ng aktres, pipiliin niyang pakasalan ng paulit ulit si Zoren.

Nagpahayag din ng isang touching message si Zoren para kay CARMINa, kung saan sinabi nito sa asawa na “you are forever safe in my arms.”

November 2012 nang ikasal ang dalawa at nagkaroon ng twins na sina Cassy at Mavy.

Nilinaw ng aktor na si Joshua Garcia ang kaniyang relationship status matapos na ma-link sa iba’t-ibang personalidad.

Ito ay nang tanungin ni Ogie Diaz kung single o double ang aktor, na may kaugnayan din sa Youtuber na si Bella Racelis na ilang beses na namataan sa iba’t-ibang okasyon.

Ayon kay Joshua, single siya.

Noong Oktubre nang mamataan si Bella at Joshua na naglalakad habang magka-holding hands sa isang mall.

Pinuri ng mga Pinoy fans ang send-off look ni Binibining Pilipinas International 2021 Hannah Arnold.

Matatandaang nagsagawa kahapon ng send-off 2022 ang Binibining Pilipinas Organization para sa lalahukang Miss International Crown Competition ng Beauty Queen bago matapos ang taon.

Sa Facebook post ng organisasyon, kanilang ibinahagi ang larawan ni Hannah suot ang elegant gown kung saan, mas lalo umanong lumitaw ang kagandahan ng kandidata.

Sa darating na December 13, 2022, susubukang masungkit ni Hannah ang ika-7 Miss International crown na gaganapin sa Tokyo, Japan.