ENTERTAINMENT

Kinaaliwan ng mga netizens ang online personality na si Junjun Salarzon matapos nitong ibahagi ang selfie nito sa facebook kung saan “kalokalike” nito si Nadine Lustre.

Saad naman ng online personality sa kanyang facebook post, “Hi this is me Nadine.”

ikinatuwa naman ito ng mga netizens at sinabing sa unang tingin ay kamukha nga nito si Nadine.

Iba’t ibang bansag naman ang binitiwan ng mga netizen sa comment section tulad ng “nadine-lustred” o nadine loose thread, “Nadine-gue” o nadengue, “Nadine-munyo” o nadimonyo at iba pa. -sa panunulat ni Hannah Oledan 

Bukas si Leon Barretto na makipag-ayos sa kanyang ama na si Dennis Padilla sa tamang panahon.

Ito ang inamin ni Leon sa isang panayam noong November 23 sa Awit Awards 2022 sa newport performing arts theater sa resorts world.

Sinabi ni Leon na namimiss na niya ang kanyang ama ngunit darating din ang oras na maghihilom ang lahat ng sugat ng kanyang pamilya, anya ‘In God’s Perfect Timing’.

Naniniwala siya na dapat pagusapan ang problema sa pribadong paraan lalo na’t tungkol ito sa kanilang pamilya.

Inilahad ni Leon na ‘End of the Day, Peace at Happiness’ lamang ang hiling nito.

Positibo rin na sinabi ni Leon na sa tamang panahon ay magkaayos sila ng kanilang pamilya. - sa panunulat ni Jenn Patrolla

Balak ng local beauty pageant Mutya ng Pilipinas na buksan ang kanilang kumpetisyon para sa mga transgender.

Ayon kay Cory Quirino, namumuno ng nasabing pageant, na mula pa 2011 ay plano na niya itong gawing inclusive para sa lahat ng kababaihan.

Wala namang nabanggit na petsa si Cory kung kailan ipatutupad ang naturang pagbabago.

Ngunit aniya, isa lamang ito sa mga pagbabago na kanilang ipatutupad.

Kabilang sa mga pagbabagong ipatutupad ng 50-year old pageant ay ang pagtanggal ng height limit at pagpayag sa mga nasa 28 years old na sumali sa kumpetisyon. —sa panulat ni Hannah Oledan

Umani ng iba’t-ibang reaksiyon sa mga netizen ang cryptic post ng Binibining Pilipinas 1st runner up na si Herlene Budol.

Sa Facebook account ng beauty queen, kaniyang ibinahagi ang isang bikini photo na may caption na “the end” kasama ng sad emoji emoticon.

Agad na nagbigay ng iba’t-ibang positibong komento ang mga netizen dahil sa tila pamamaalam ni Herlene sa binibining Pilipinas Pageant.

Matatandaang una nang napaulat na hindi na tumuloy si Herlene sa Miss Planet International dahil sa mga naging aberya ng pageant.

Dahil dito, mas pinalakas pa ng mga netizen ang loob ni Herlene para magpatuloy pa sa mga kompetisyon.

Isinapubliko na ng aktres na si Heaven Peralejo ang kanyang bagong restaurant.

Sa instagram post, ibinahagi ng aktres ang mga larawan ng pagbubukas ng the food market Manila.

Sinabi ng aktres na pangarap niya lamang ito dati at ngayon ay natupad na.

Nagpasalamat naman si Heaven sa kanyang mga kaibigan na dumalo at sumuporta tulad nina Darren Espanto, AC Bonifacio, Mon Confiado at Marco Gallo.