ENTERTAINMENT

Ikinasal na ang anak ng celebrity couple na sina Janno Gibbs at Bing Loyzaga na si Alyssa Gibbs.

Batay sa instagram post ni Alyssa, ibinahagi nito ang mga larawan ng kanilang kasal ng kanyang asawa na si Anton Cruz.

Sa kanyang caption, “After a 5 year engagement, we finally got hitched”.

Samantala, sa post naman ng aktor na si Janno, ibinahagi naman nito ang isang larawan nila ng kanyang son-in-law.

Ilang mga kaibigan naman nito sa showbiz industry  ang nagpaabot ng pagbati sa bagong kasal gaya nina Bea Binene, Kriz Uy,Press Manissa, Camille Co at marami pang iba.

Isiniwalat ni Iza Calzado at ng kanyang asawa na si Ben Wintle na babae ang kanilang first baby.

Ito ay matapos inanunsyo ng aktres ang balita sa kanyang instagram account.

Magugunitang una na niyang inanunsyo ang kanyang pagbubuntis sa kanyang ika-40 kaarawan noong Agosto 12.—mula sa panulat ni Jenn Patrolla

Isa si Heart Evangelista sa mga naimbitahang dumalo sa prestihiyosong Le Bal Des Debutantes sa Paris, France.

Sa Instagram, ibinahagi ni Heart ang ilang mga kaganapan sa nasabing event kung saan kasama nito ang Philippine Tatler editor na si Anton San Diego at mag-asawang aga Muhlach at Charlene Gonzales.

Isinaad din ng Aktres kung gaano siya ka-proud sa anak nina Aga at Charlene na si Atasha  na nagsilbing kinatawan ng bansa para sa nasabing event.

Ang Le Bal Des Debutantes ang tanging charity ball sa buong mundo kung saan  ang mga attendees ay nakasuot ng couture at haute couture.

Isa itong by-invitation-only ball kung saan iniimbitahan ang dalawampung kababaihan na anak ng mga high-profile personalities, hollywood elite, royal houses, at mga pamilya na may prestihiyosong backgrounds.

Ipinanganak na ang first baby boy ng korean stars na sina Son Ye Jin at Hyun Bin.

Kinumpirma ito mismo ng kanilang agencies na Vast Entertainment at MS Team Entertainment noong linggo.

Tiniyak naman ng dalawang korean agency na parehas na nasa mabuting kalagayan Si Ye-Jin at ang baby.

Matatandaang ikinasal ang dalawa nito lamang Marso habang hunyo nang inanunsyo ang pagbubuntis ni Ye Jin at nitong oktubre ang gender reveal.

Sina Hyun-Bin at Son Ye-Jin ay parehong bumida sa North-Korean inspired k-drama series na Crash Landing On You. -sa panunulat ni Hannah Beatrisse Oledan

Nag-viral sa social media ang 3-taong gulang na si Baby Rebbie mula sa Pasay City.

Ito’y dahil sa murang edad, sa halip na laruan ang mga hawak nito ay marunong na siyang mag-make up tutorial.

Ayon kay Dindin Binalla, ina ni Baby Rebbie, isang araw ay nadatnan niya ang anak na pinapakialaman ang kaniyang make up bag.

Nasa harap pa raw ito ng salamin at kinaka-usap at inaayusan ang sarili.

Tinanong niya raw si Rebbie kung pwede siyang videohan habang nagme-make up at agad naman aniya itong pumayag.

Kinagiliwan naman ng mga netizens ang napaka cute na make up tutorial ni Baby Rebbie.

Itinanghal bilang best actress si Charo Santos sa 5th Entertainment Editor’s Choice o EDDYS ng Society of Philippine Entertainment Editors(SPEED).

Nagwagi si santos para sa pelikulang “kun maupay it panahon” na matagumpay na idinaos sa gabi ng parangal sa Metropolitan Theater kagabi, November 27.

Samantala naging highlight din ng aktibabd ang pagbibigay ng 5th EDDYS sa ilang movie icons tulad nina Tito Sotto, Vic Sotto, Joey De Leon, Sharon Cuneta, at Alma Moreno.