ENTERTAINMENT

Isinapubliko na ng aktres na si Heaven Peralejo ang kanyang bagong restaurant.

Sa instagram post, ibinahagi ng aktres ang mga larawan ng pagbubukas ng The Food Market Manila.

Sinabi ng aktres na pangarap niya lamang ito dati at ngayon ay natupad na.

Nagpasalamat naman si Heaven sa kanyang mga kaibigan na dumalo at sumuporta tulad nina Darren Espanto, AC Bonifacio, Mon Confiado at Marco Gallo.

Good news para sa mga nais lumahok sa Miss Supranational!

Ito’y dahil sa itinaas na age limit para sa mga kandidata, kung saan maaari nang sumabak sa kompetisyon ang mga kababaihang edad 18 hanggang 32 taong gulang.

Ayon sa pamunuan ng Miss Supranational Organization, ang nasabing desisyon ay kasunod ng isinagawa nitong survey sa National License Holders.

Epektibo naman ang nasabing patakaran simula sa susunod na taon.

Samantala, itinaas naman sa 34-years old ang age limit para sa mga nais sumali sa Mister Supranational.

Excited na ang award-winning actress na si Nadine Lustre na makita ang kanilang bagong pelikula sa big screen.

Mababatid na pinagbibidahan ni Nadine ang pelikulang “Deleter” na isa sa mga entries sa Metro Manila Film Festival ngayong Disyembre.

Ang Deleter ay isang psychological horror film tungkol sa isang content creator na kailangang panoorin ang hindi mabilang na mga video na ini a-upload online at piliin kung ilalabas o tatanggalin ang isang video.

Sinabi rin ng Urian Best Actress Awardee na proud at confident sila sa film na tatangkilikin ito ng publiko. —sa panulat ni Hannah Oledan

Hindi na napigilang sagutin ni Miss Universe Philippines 2014 MJ Lastimosa ang pambabatikos ng kaniyang mga basher sa social media.

Kasunod ito ng video post ni MJ sa kaniyang facebook page kung saan, makikitang kasama niya ang Mexican delegate sa Miss Earth 2022 na si Indira Perez Meneses.

Nabatid na maraming netizen ang nagsasabing magkamukha at may pagkakahawig ang dalawang beauty queen, dahilan para kaaliwan at purihin ito ng maraming followers ni MJ.

Dito na nagsimulang mambatikos ang isang netizen at tinawag ang dalawa na retokada na agad namang sinagot ni MJ.

Ayon kay MJ, retokada man siya, ay kaya naman niyang bayaran ang kaniyang pagpapaganda.

Iginiit pa ng beauty queen na hindi dapat wine-welcome sa buhay ang ano mang uri ng pambubully mula sa sinuman.

Tila pinatamaan ni Mika Dela Cruz ang isang page na nagsasabing nadagdagan ang kanyang timbang at buntis umano siya sa baby nila ng boyfriend na si Nash Aguas.

Sa isang facebook post, nagpaabot ng mensahe ang aktres sa Kapuso Alliance fan page dahil sa post nito tungkol sa kanya na umano’y ”napaka-sensitive.”

Say ni Mika sa lahat ng mga babaeng na-body shame at nahusgahan dahil lamang sa nadagdagan ang timbang, ”We are all beautiful no matter how much our sizes fluctuate.”

Matatandaang sa nasabing post ng Kapuso Alliance fan page, sinabi nito na parang buntis si Mika at parang lalo itong tumaba sa ipinost na larawan nila ni Nash makaraang dumalo sa isang kasal.

Maliban dito, nagpaabot din ang nasabing page ng pagbati kina Mika at Nash.

Nabatid na hindi ito ang unang beses na naisyung buntis si Mika.

Bida sa cover ng anniversary issue ng Nylon Manila ang anak nina Cheska Garcia at Doug Kramer na si Kendra.

Sa mga larawang ibinahagi ni Kendra sa kanyang Instagram, pinatunayan nitong hindi na siya ‘little girl’ dahil sa mga larawan nitong tila isang super model.

Suot ni Kendra ang iba’t ibang colorful outfits at ipinamalas ang kanyang galing sa pagharap sa camera.

Pinasalamatan ni Kendra ang nasabing magazine at sinabing nag-enjoy siya habang ginagawa ang naturang cover.

Proud na proud naman ang mga magulang ni kendra at ipinost din ang mga larawan ng kanilang anak sa instagram.

Pumanaw na ang beteranang aktres at TV Star na si Flora Gasser sa edad na 89.

Kinumpirma ng kaniyang apo na si Valerie Ocampo sa isang Facebook post na sumakabilang-buhay ang aktres noong Sabado, November 19.

Nakaburol si Lola Flora sa St. Peter’s Chapel sa Commonwealth, Quezon City.

Magugunitang nagsimula noong dekada 70 ang karera ni Flora sa pag-arte at kabilang sa mga naging proyekto nito ay ang “Batang Z,” “Joey Boy Munti: 15 anyos ka sa Muntinglupa,” at “Kumander Bawang.” —sa panulat ni Hannah Oledan

Matapos ang 31 taong pamamayagpag sa telebisyon, mamamaalam na ang tinaguriang longest-running drama anthology program sa asya na “Maalaala Mo Kaya.”

Mismong ang MMK host na si Charo Santos-Concio ang nag-anunsyo nito kung saan mapapanood ang huling episode ng programa sa December 10.

Sa kanyang mensahe, sinabi ni Charo na kung mauulit man ang panahon, ay pipiliin pa rin niyang maging host ng MMK.

Pinasalamatan naman nito ang lahat ng naging bahagi ng MMK mula sa mga production staff, directors, at writers nito hanggang sa mga walang sawang sumubaybay sa programa.

Taong 1991 nang ipalabas ang unang episode ng MMK kung saan tampok sina Romnick Sarmenta at Robert Arevalo.