Kinoronahan bilang Miss Earth 2022 ang South Korean Beauty Queen na si Mina Sue Choi sa katatapos lang na grand finale pageant na ginanap sa Okada Manila, Parañaque City kagabi.
Sa 86 na kandidatang lumahok sa kompetisyon, nakuha ni Sheridan Mortlock ng Australia ang Miss Earth-Air; habang Miss Earth-Water at Miss Earth-Fire naman ang nasungkit ni Andrea Aguilera ng Columbia.
Samantala, nakapasok naman sa Top 20 si Miss Philippines Jenny Ramp at nagwagi rin siya bilang Best in Fauna Costume sa Asia and Oceania.
Ang ginanap na Miss Earth 2022 ang kauna-unahang in-person coronation ng Miss Earth Organization matapos ang dalawang taong restriksiyon bunsod ng Covid-19 pandemic.
