ENTERTAINMENT

Masaya at inspired si Vina Morales ngayon sa kaniyang buhay pag-ibig.

Mababatid na naging laman ng balita ang aktres kamakailan matapos nitong magbahagi ng picture kasama ang isang lalaki habang nakabakasyon sa Boracay.

Tumanggi namang magbigay ng buong detalye Vina hinggil sa kanilang relasyon.

Ngunit aniya, na-meet niya ang kaniyang boyfriend dalawang dekada na ang nakakalipas.

Matatandaang huling nagkarelasyon si Vina sa isang French businessman na tumagal ng dalawang taon bago sila naghiwalay noong 2017. –  sa panulat ni Hannah Oledan

Kinoronahan bilang 2022 Miss CosmoWorld ang kinatawan ng Pilipinas na si Meiji Cruz.

Isinagawa ang coronation night sa the St. Regis Kuala Lumpur sa Malaysia kung saan first runner up ang kinatawan ng Uzbekistan at second runner up naman ay pambato ng Thailand.

Bago sumali sa miss CosmoWorld si Cruz ay second runner up sa 2021edition ng Binibining Pilipinas.

Ayon sa website ng Miss CosmoWorld na naka base sa Malaysia at pag-aari ni Malaysian celebrity at Miss Chinese Cosmos 2004 Carrie Lee.

Layon ng 18-year-old pageant na piliin ang mga kababaihang independent at passionate sa buhay at mayruong good leadership quality.

“I Will Never Be Like You.”

Ito ang bira ni Rabiya Mateo, isang Beauty-Queen turned Actress, sa isang netzien na nag-comment sa kanyang recent Tiktok video.

Mapapanood sa naunang video ni Rabiya kung saan siya ay nabatikos, ang masaya nitong pagsabay sa isang upbeat music habang sumasayaw.

Umani naman ito ng iba’t ibang reaksyon mula sa viewers.

Napansin ni Rabiya ang comment ng user na si @ginzcorz  na nagsabing “looks cheap” kasabay ng iba pang emojis.

Agad naman itong kinall out ni Rabiya sa pamamagitan ng isang video reply.

Ayon kay Rabiya, hindi na bago sa kaniya ang makatanggap ng pambabatikos at proud ito sa kung anong nakamit nito sa buhay, sa pananamit at sa kaniyang pananalita.

Hinimok naman ng aktres ang naturang user na maging mabuting ehemplo sa pamilya nito at mamuhay bilang mabuting tao. - sa panulat ni Hannah Oledan

Humakot ng 13 nominasyon sa ika-38 Philippine Movie Press Club (PMPC) Star Awards for movies ang pelikulang Katips na pinagbidahan ni Jerome Ponce.

kabilang sa mga kategoryang nakuha ng naturang pelikula ang:

Best Indie Movie Of The Year: Katips
Best Director: Vince Tanada
Best Actor: Vince Tanada
Best Supporting Actor: Johnrey Rivas
Best New Movie Actress: Nicole Laurel
Best Ensemble Acting: The Cast Of Katips
Best Screenplay: Vince Tanada
Best Cinematographer: Manuel O. Abanto
Best Editor: Mark Jason M. Sucgang
Best Production Designer: Roland Aicenebur
Best Musical Scorer: Pipo Cifra
Best Sound Engineer: Dondon Mendoza
Best Original Song: Sa Gitna ng Gulo

Nagpasalamat naman ang buong team ng Katips sa mga pilipinong sumuporta sa kanilang pelikula.

Sa unang kwarter ng taong 2023, inaasahang ilulunsad ang awards night.

Nagpositibo sa Dengue at Urinary Tract Infection (UTI) ang aktres na si Jane De Leon.

Sa social media post, ibinahagi ni Jane ang kaniyang kondisyon kasabay ng paghingi ng paumanhin sa kaniyang mga fans dahil sa hindi pagiging active.

Gayunman, tiniyak ng darna star na agad siyang magpapagaling at tutugon sa mga fans na nagpapaabot ng message.

Noong nakaraang linggo, unang ipinagdiwang ni Jane ang kaniyang ika-24th birthday.

Lumapit na ang batikang aktres na si Jaclyn Jose sa National Bureau of Investigation (NBI) matapos na dalawang beses ma-hack ang kaniyang facebook account.

Ayon sa aktres, narecover niya nitong sabado, November 26, 2022 ang kaniyang FB account at nakapagpalit na rin siya ng password, pero nagawa pa rin itong buksan ng hacker.

Ito aniya ang dahilan kung bakit hindi muna siya nagme-message at nagpopost sa social media.

Nagbabala rin ang aktres sa mga kakilala na kung makatanggap na mensahe galing sa kaniyang account, lalo na kung ito ay tungkol sa pera ay huwag paniwalaan.