Aminado si Violeta Constantino, ang dating branch manager ng LandBank of the Philippines Shaw Blvd. Branch, na “first time” niya lang maka-encounter o makakita ng malalaking halaga ng encashment sa kanilang branch.
Ginawa ni Constantino ang pahayag sa gitna ng nagpapatuloy na impeachment trial ni Vice President Sara Duterte sa Senate Impeachment Court.
Sa naging clarificatory question ng mga senator-judge para sa Article 1 o misuse of confidential funds, natanong ni Senator-Judge Risa Hontiveros kung sa tagal ni Constantino sa banking industry, nakakita na ba ito ng malalaking halaga ng pera gaya ng chequeng ipina-encash ni Special Disbursing Officer Gina Acosta.
Ayon kay Constantino, sa kaniyang 32 years na pagtatrabaho sa banking industry, maituturing na “unusual transactions” o pambihirang amount ang encashment ni Acosta.
Nilinaw ni Constantino na kahit sinong depositor ang mag-encash ng malaking halaga ng cheque ay maituturing itong “unusual transactions.”
Aniya, maaari ding ituring na “usual” ang transaction kung paulit-ulit o sunud-sunod itong ginagawa ng isang depositor.
Natanong rin ni Senator-Judge Senate President Sherwin Gatchalian si Constantino kung ano ang pinakamalaking nakita nitong encashment sa kaniyang mahigit 30 taong serbisyo.
Ayon kay Constantino, bukod sa P500,000 na halaga ng perang na-withdraw na kaniyang nakita, ang apat na encashment ni Acosta ang pangalawa sa pinakamalaking pera na kaniyang nakita na nagkakahalaga ng tig-P125 million sa kada isang duffle bag.
Sinabi ni Constantino na kung ikukumpara sa mga private companies, tanging si Acosta lang ang nag-cash withdrawal sa kanilang branch na hindi rin pangkaraniwang ginagawa ng mga ahensya ng gobyerno. | via Geli Mendez (Patrol 30)
