Magsasanay pa ng mas maraming tourist police personnel ang Philippine National Police (PNP) at Department of Tourism (DOT) bilang bahagi ng TOPCOP o Tourist Oriented Police for Community Order and Protection Program.
Layon ng programa na tiyaking ligtas ang mga turista at alinsunod na rin sa kampanyang ‘It’s more fun in the Philippines’ ng DOT.
Sinabi ni Tourism Secretary Bernadette Romulo Puyat na ipapakita ng TOPCOP training ang uri ng serbisyo ng mga pilipino partikular ang hospitality sa mga bisita.
Bahagi rin ng programa ang pina-igting na police visibility sa visitors area kung saan magpa patrulya ang mga pulis at maglalagay ng tourist assistance centers at complaint desks.
