Maglulunsad ang Department of Trade Department and Industry (DTI) ng programang magtataguyod sa implementasyon ng Suggested Retail Price (SRP).
Ayon kay D.T.I. Undersecretary Ruth Castelo, sa ilalim ng “Suking Tindahan Program,” hihimukin ang mga may-ari ng mga sari-sari store na magbenta ng mga produktong pasok sa SRP.
Nakikipag-usap na rin anya sila sa mga major manufacturer upang direktang mag-supply ng kanilang mga produkto sa mga sari-sari store.
Ito’y upang hindi na bumili ang mga operator at owner ng mga maliit na tindahan sa mga supermarket na may mas mataas na presyo ng mga produkto.
Gayunman, nilinaw ni Castelo na tanging basic goods tulad ng instant noodles, kape, sardinas at bottled water o prime commodities gaya ng suka, toyo, patis, corned beef at meat loaf ang saklaw ng programa.