Bahagyang nag-improve o gumanda ang case doubling time o sukat sabilis ang pagkalat ng COVID-19 sa bansa ngayong buwan kumpara noong Agosto.
Batay ito sa naging ulat ng Department of Health (DOH) kung saan naitala sa 10.84 days ang case doubling time nitong Setyembre 17.
Bahagyang maganda ito sa naiatalang 9.52 days na case doubling time noong Agosto 17.
Dagdag ng DOH, nakitaan din ng katulad na positibong pagbabago ang mortality doubling time o ang bilis sa pagtaas sa bilang ng mga nasasawi dahil sa COVID-19 sa bansa.
Ayon sa DOH, sa kanilang pinakahuling tala nitong September 17 nasa 15.54 days ang mortality doubling time ng COVID-19 sa Pilipinas kumpara sa 13.96 days noong Agosto 17.
Samantala, bumaba naman anila ng 45% nitong September 17 ang national utilization rate o pagtaya sa paggamit ng mga mechanical ventilator, ICU beds at isolation bed.
Gayunman, bahagya namang tumaas ang utilization rate sa mga temporary treatment and monitoring facilities sa 38% nitong Setyembre 17 kumpara sa 33% noong agosto.
Paliwanag ng DOH, ito ay dahil dumami ang bilang ng mga kaso ng mild at asymptomatic na dinadala sa mga naturang pasilidad matapos na i-refer ng mga level 1 to 3 na mga ospital.
