Nakatakdang magdeklara ng state of calamity ng pamahalaang panlalawigan ng Cagayan matapos matinding masalanta ng bagyong Tisoy.
Ayon kay Cagayan Governor Manuel Mamba, kinakailangan nilang isailalim sa state of calamity ang buong lalawigan para mabilis na matulungan ang mga residenteng naapektuhan ng kalamidad.
Kinakailangan din anila ito para sa pagsasaayos ng mga nasirang imprastraktura gayundin bilang ayuda sa mga nawasak na pananim.
Sinabi ni Mamba, nananatili pa ring lubog sa baha ang malaking bahagi ng Cagayan lalo na’t kagabi lamang tumigil ang naranasang pag-ulan doon.
Umaabot aniya sa 10 hanggang 15,000 pamilya ang naapektuhan ng matinding pagbaha sa buong Cagayan.
