Binuksan na kagabi ng pamilya Demafelis ang burol ni Joanna Demafelis sa mga nais makiramay sa kanila.
Hindi pa dumadating ang labi ni Demafelis kahapon ng umaga sa kanilang bahay sa Sara, Iloilo ay dagsa na ang kanyang mga kaanak at mga kaibigan na nais makiramay sa pamilya.
Nagpakalat na rin ng mga pulis para matiyak ang seguridad at mabigyan ng assistance ang pamilya Demafelis.
Sumisigaw pa rin ng katarungan ang pamilya Demafelis sa sinapit ni Joanna.
Magugunitang dumating sa bansa noong biyernes mula sa Kuwait ang labi ni Joanna.
