Binalaan ng Bangko Sentral ng Pilipinas ang publiko laban sa mga kumakalat na pekeng disenyo ng 500 bill commemorative banknote.
Paliwanag ng Sentral Bank, hindi pa sila naglalabas ng bagong banknote design o design series.
Sinabi pa ng BSP na isang satirical news website ang naglathala patungkol sa umano’y commemorative banknote na kumakalat na ngayon sa ibat-ibang social media sites
Sa ilalim ng Republic Act 10951 ang mahuhuling namemeke ng pera ay maaring makulong ng hindi bababa sa labing dalawang taon at isang araw at multang nagkakahalaga ng hindi hihigit sa dalawang milyong piso.
Hinihikayat ng BSP ang publiko na i-report sa otoridad ang sinumang gumagamit ng pekeng banknotes at ugaliin ang feel, look, and tilt strategy upang makasigurado.—sa panulat ni Joana Luna