Inaresto ng Manila Police District (MPD) ang apat na suspek na sangkot sa iba’t ibang krimen.
Ayon sa report, nahuli si Jerald Castillo nang maaktuhang nandurukot sa isang bus sa kahabaan ng España sa Maynila.
Miyembro umano ito ng ‘Ipit Gang’ na ang modus ay mang-ipit ng mga pasahero sa bus kasabay ng pagnanakaw.
Kalaboso rin ang dalawang suspek na nagnakaw umano ng laptop sa isang bahay nang makasalubong nila ang mga pulis habang patungo ng Quiapo upang ibenta ang ninakaw na gamit.
Bukod dito, physical injury at sexual abuse naman ang kinakaharap ng isa pang naarestong lalaki matapos saktan at abusuhin ang kinakasamang menor de edad.
Samantala, nahuli rin ang itinuturing na most wanted sa Sampaloc dahil sa dating pagkasangkot sa illegal na droga na si Reiner Mejia matapos ang reklamong pangbubugbog sa kinakasama.
Patuloy naman na sinusuri ng mga pulis ang iba pang kaso ng suspek. —sa panulat ni Airiam Sancho
