Kumpirmado na ang muling pagtakbo sa pagka-senador ni dating Sen. Ramon ‘Bong’ Revilla Jr. sa 2019 midterm elections.
Ayon kay dating Leyte 1st District Representative at Lakas-Christian Muslim Democrats (CMD) President Atty. Martin Romualdez, nabuo ang nasabing desisyon matapos ang serye ng konsultasyon ni Revilla sa kanyang pamilya, malalapit na kaibigan, constituents at ilang political leaders.
Kasabay nito, tiniyak ni Romualdez ang suporta ng kanilang partido kay Revilla, gayundin sa mga senatorial candidates na nakatakdang i-endorso ng Hugpong ng Pagbabago regional party ni Presidential daughter at Davao City Mayor Sara Duterte-Carpio.
Sa ngayon ay naka-detine si Revilla sa Philippine National Police Custodial Center sa Kamp Crame dahil sa kinakaharap na plunder cases may kaugnayan sa Priority Development Assistance Fund (PDAF).
—-