Tiniyak ni Pangulong Rodrigo Duterte na magiging mabunga ang kaniyang pakikipag-usap sa business community sa Japan sa panahon ng kaniyang official visit.
Ayon sa Pangulo, target niyang makamit mula sa mga negosyanteng hapon ang mga development projects na aniya’y pakikinabangan ng malaki ng mga Pilipino.
Hangad ng Pangulo na maihatid ang magandang balita sa mga Pilipino sa kaniyang pagbabalik bansa tulad ng mga trabaho at oportunidad na kaniyang ini-uwi sa kaniyang unang pagbisita ruon.
Maliban dito, kumpiyansa rin ng Pangulo na magiging mas matatag pa ang magiging relasyon ng Pilipinas at ng Japan sa kaniyang pagbisita at tiyak na makatutulong ito para sa dalawang bansa.
