Kalaboso ang isang disi-otso (18)-anyos na lalaki matapos umanong saksakin ang kanyang bente (20)-anyos na kaibigan sa Naga City, Cebu.
Ayon sa report, nakatanggap ang pulisya ng tawag tungkol sa insidente. Mabilis namang naaresto ang suspek sa follow-up operation.
Inamin ng suspek na nasa impluwensya siya ng ilegal na droga nang mangyari ang pananaksak.
Kwento niya, nakaramdam umano siya ng matinding takot at pagkapanik matapos ang paggamit ng droga. Inakala pa raw niya na hindi siya papayagang lumabas, kaya’t nauwi sa komprontasyon ang mga ito.
At nang pigilan umano siya ng biktima, nakakuha siya ng kutsilyo sa kusina at sinaksak ito.
Inihahanda na ang kasong frustrated homicide laban sa salarin na ngayon ay nakakulong na.
