Babala sa sensitibong balita
Patay ang isang bente-kwatro (24)-anyos na babae matapos saksakin at pukpukin ang ulo gamit ang martilyo ng kanyang dating kasintahan sa Cebu City. Ang krimen ay nasaksihan ng sais (6)-anyos na anak ng babae.
Sa imbestigasyon, magdidiwang sana ang biktima at ang suspek ng kanilang anibersaryo, kaya’t nagdala ang suspek ng mga bulaklak at tsokolate.
Ngunit sinabi ng biktima na itinapon niya ang mga ito at sinabing mayroon na siyang bagong karelasyon. Dahil dito, nagkaroon umano sila ng komprontasyon na nauwi sa ambahan ng saksak.
Dahil dito, nag-agawan ng kutsilyo ang dalawa at nasaksak ang babae. At kinuha ng salarin ang martilyo at ipinukpok ito sa ulo ng biktima.
Ayon sa landlady ng biktima, naghiwalay umano ang dalawa dahil sa patuloy na pagtatalo tungkol sa anak ng babae na hindi gusto umano ng suspek.
Ang anak ng biktima ay sasailalim sa psychosocial intervention matapos masaksihan ang pagpatay sa kanyang ina.
Kakasuhan ng murder ang suspek.
