Bahagyang dumami na ang bilang ng naka-admit na pasyenteng may COVID-19 sa Philippine General Hospital (PGH).
Ayon kay PGH Spokesperson Dr. Jonas Del Rosario, nasa 30 lamang ang kanilang COVID-19 patients hanggang noong Disyembre 25, ngunit sa ngayon ay umaabot na sa 65 ang bilang ng mga pasyente.
Tiniyak naman ni Del Rosario na handa ang ospital na magdagdag ng COVID-19 beds kung kinakailangan.
Pinaalalahanan naman nito ang publiko na bawasan muna ang mga pagtitipon upang maiwasan ang pagkalat ng COVID-19.
