Pumalo na sa mahigit 70M Pilipino ang fully vaccinated na laban sa COVID-19.
Ayon sa Department of Health, nasa 70, 790, 342 na indibidwal ang nakakumpleto na ng kanilang two-dose primary series vaccination noong Mayo a-28.
Nabatid na layunin ng pamahalaan na mabakunahan ang nasa 77M Pilipino bago matapos ang administrasyong Duterte sa Hunyo a-30.
Dahil dito, muling hinimok ng DOH at Department of the Interior and Local Government (DILG) ang Local Government Units na paigtingin pa ang kanilang pagbabakuna upang maging ligtas ang bawat isa at maiwasan ang muling pagsirit ng kaso ng COVID-19 sa bansa.
