Lumobo na sa kabuuang 2,673 ang mga nagpopositibo sa coronavirus disease 2019 (COVID-19) sa Quezon City.
Ito’y batay sa inilabas na datos ng health department ng lungsod, Lunes ng gabi, 15 ng Hunyo.
Sa naturang bilang, 2,592 mga COVID-19 cases dito ang may tiyak ng kinaroroonan o address.
Bukod pa rito, sa kaparehong bulletin na inilabas ng QC health department, lumalabas na nasa kabuuang 1,369 na ang mga nakakarekober sa COVID-19, 213 naman ang bilang ng mga nasawi sa virus.
Habang, nasa 1,475 naman ang itinuturing na suspected COVID-cases na kabilang sa ginagawang contact tracing ng health department ng Quezon City.
