Mahigpit na babantayan ng Department of Trade and Industry (DTI) ang pagbebenta ng face mask online.
Kasunod na rin ito ng mga reklamo hinggil sa mga online sellers na nagbebenta ng mataas na presyo ng face mask.
Ayon kay DTI Undersecretary Ruth Castelo, mas mataas ang bentahan ng online sellers ng face mask kaysa sa itinakda nilang presyo nito na dapat ay nasa P8.00 lamang.
Tiniyak ni Castelo na papanagutin ang sinumang maaarestong mapagsamantalang negosyante.
