Hinamon ni Anakalusugan Partylist Representative Mike Defensor si PACC Commissioner Greco Belgica na maglabas ng ebidensya hinggil sa mga kongresistang dawit sa korupsyon sa DPWH projects at kung walang mailalantad na patunay ay mas mabuting tumahimik na lamang ito.
Sinabi ni Defensor na ito na ang ikalawang beses na naglabas ng alegasyon si Belgica laban sa mga kongresista bagama’t tumangging ilabas ang pangalan ng mga ito dahil anoiya walang solidong ebidensya para isampa ang kaso.
Unfair aniya sa lahat ng kongresista at sa buong institusyon na akusahan ang ilang kongresistang sangkot sa katiwalian subalit hindi naman nito pinangalanan.
Una nang ibinunyag ni Belgica na mayruong 12 kongresista na dawit sa katiwalian sa DPWH projects matapos umanong tumanggap ng kickback mula sa mga contractor.
