Nilinaw ng Chinese healthcare authorities sa Wuhan na ang outbreak ng viral pneumonia ay hindi Severe Acute Respiratory Syndrome (SARS) at Middle East Respiratory Syndrome (MERS) o bird flu.
Gayunman, tiniyak ng Wuhan health officials na iniimbestigahan na nila ang ugat ng nasabing virus at kung paano ito kumalat.
Ipinabatid ng Wuhan Municipal Health Commission na hanggang Linggo, Enero 5, nasa 59 na ang napaulat na kaso ng unknown viral pneumonia kung saan 7 ang nasa kritikal na kondisyon.
Ayon pa sa Wuhan Municipal Health Commission, 163 katao ang inoobserbahan matapos magkaruon ng kontak sa mga pasyente.
Ang viral pneumonia ay nagsimula sa central city ng Wuhan nuong nakalipas na buwan na nagtulak sa pangambang posibleng SARS epidemic.
