Kasado na bukas, November 29 ang bawas-presyo sa produktong petrolyo.
Batay sa abiso ng Pilipinas Shell Petroleum Corporation, magtatapyas sila ng P3.95 centavos sa kada litro ng diesel, P2.95 centavos sa kada litro ng kerosene at P0.85 centavos sa kada litro ng gasolina.
Ganito rin ang ipatutupad ng Cleanfuel at Petro Gazz maliban sa kerosene na hindi nila sakop.
Ang rollback ay epektibo bukas ng alas-6 ng umaga, maliban sa Cleanfuel na alas-12 ng hatinggabi mamaya magpapatupad.
Hindi pa naman nag-aanunsiyo ng rollback ang iba pang kumpanya ng langis.
Ang malakihang bawas-presyo ay dahil sa paggalaw ng presyo ng langis sa pandaigdigang merkado.
