Lusot na sa ikatlo at huling pagbasa ang panukalang batas na magbibigay ng panibagong 25 taong prangkisa sa third telco na DITO telecom.
Labing pitong (17) senador ang bumoto ng pabor, dalawa ang tutol na sina opposition Senator Risa Hontiveros at Senator Kiko Pangilinan at nag-abstain si Sen. Ping Lacson.
Ang inaprubahan ay renewal ng prangkisa ng Mindanao Islamic Telephone Company na mapapaso sa 2023.
Ang DITO Telecom ay pag-aari ng Udenna Corpration ng Davao City businessman na si Dennis Uy at ang 40% ay sosyo ng china telecom na pagmamay ari ng gobyerno ng China.
Paliwanag nina Hontiveros at Pangilinan, batid nyang kailangan ngayon ng maayos na telco service lalo na ngayong kailangan lagi ang internet pero ikinababahala nila ang panganib nito sa national security dahil sa sosyo rito and kumpanya na pagmamay-ari ng Chinese government. —ulat mula kay Cely Ortega Bueno (Patrol 19)