Posibleng maharap sa kasong obstruction of justice ang human rights at religious group na “Rise Up for Life and for Rights” na siyang nag-iingat ngayon sa taxi driver na si Tomas Bagcal.
Ito’y ayon kay Justice Secretary Vitaliano Aguirre ay dahil sa tila pahirapan ang pakikipag-ugnayan ng NBI o National Bureau of Investigation kay Bagcal hinggil sa umano’y panghoholdap sa kaniya ni Carl Angelo Arnaiz.
Ayon kay Aguirre, tila dumidepende sa grupo si Bagcal sa kung ano ang mga isasagot nito sa katanungan ng NBI gayundin sa mga tanong na ibinabato sa kaniya ng media.
Kasunod nito, muling iginiit ni Aguirre ang kahandaan ng DOJ na bigyan n protective custody si Bagcal sa kabila ng pagtanggi nito makaraang magpasailalim na sa kostudiya ng naturang grupo.
SMW: RPE
