Natuklasan na mas mahal na condominium unit ang ibibigay ng kumpanyang Megaworld kay Carlos Yulo.
Ito’y matapos makakuha si Yulo ng dalawang gintong medalya sa 2024 Paris Olympics.
Pahayag ng Megaworld, mula sa 2-bedroom condo unit na una nitong ipinangako para sa sinumang atletang makakakuha ng gintong medalya sa Olympics ay gagawin nilang 3-bedroom condo unit ang ibibigay kay Yulo.
Sinasabing mayroon ding cash bonus na P3 milyon na ibibigay ng kumpanya para kay Yulo.
Nabatid na ang 3-bedroom unit ay mula sa isa sa mga premier residential properties ng Megaworld sa McKinley Hill sa BGC, Taguig.
Ayon sa Megaworld, ang condominium unit ay fully-furnished ng appliances, furnitire at fixtures.
Maliban dito, mayroon din itong 2 balcony, maid’s room at parking lot.
Punto ni Lourdes Gutierrez-Alfonso, presidente ng Megaworld, ang pagkakapanalo ni Yulo ng dalawang gintong medalya sa Olympics ay napakahalagang yugto sa kasaysayan ng ating bansa.
