Posible pang madagdagan ang mga barangay sa Calumpit, Bulacan na lubog sa tubig baha.
Inihayag ito ni Calumpit Mayor Jessie de Jesus kung magpapatuloy pa ang pagtas ng tubig na nagmumula sa mga matataas na lugar na hinagupit ng bagyong lando
Batay sa kanilang ta-ya, aabot sa dalawamput lima mula sa dalawamput siyam na barangay ang lubog ngayon sa tubig baha sa nasabing bayan
Samantala, sinabi sa DWIZ ni Bulacan Governor Willy Sy Alvarado na irerekomenda niya sa gobyerno na gawin nang reservoir ang bahagi ng Arayat at Candaba.
“Inirerekomenda na natin sa national government na kinakailangan yung dinadaanang imbakan tulad ng Arayat at Candaba na gawin na itong reservoir para taasan ang dike, mape-preserve po natin ang tubig at yung lamang overflow ang tatakbo sa ilog tungo sa Manila Bay.” Pahayag ni Alvarado.
By Jaymark Dagala | Kasangga Mo Ang Langit
