Sinopla ni contact tracing czar at Baguio City Mayor Benjamin Magalong ang naging pahayag ng UP OCTA Research Team.
Ito’y makaraang ikonsidera ng nasabing grupo na isa ang Baguio City sa COVID-19 hotspot of serious concern dahil sa dami ng mga kasong naitatala rito.
Ayon kay Magalong, kasalukuyang nasa downtrend na ngayong buwan ang Baguio City kumpara noong Oktubre kung saan, nakapagtala sila ng 57 kaso bawat araw.
Giit ni Magalong, ngayong buwan lamang ay aabot na lamang sa 20 bagong mga kaso ang kanilang naitatala sa lungsod.
Bunga aniya ito ng patuloy na paghihigpit sa mga residente gayundin ang pagsasagawa ng boarder control sa mga karatig bayan at lalawigan.