Nagbabala si incoming PDEA o Philippine Drug Enforcement Agency Chief Aaron Aquino ng engkwentro sa mga manlalabang drug personalities.
Ayon kay Aquino, hindi na bago sa kanya ang mga madudugong anti-drug operations lalo’t nasasakupan niya bilang kasalukuyang Philippine National Police (PNP) Central Luzon director ang rehiyon kung saan may pinakamaraming naitalang napapatay na drug suspects sa buong bansa.
Gayunman, tiniyak ni Aquino na kanilang paiiralin ang tamang proseso sa mga ikakasang drug operationg ng PDEA.
Si Aquino ay nakatakdang umupo bilang bagong PDEA chief sa Setyembre 12, anim na araw matapos niyang magretiro kung saan isa aniya sa kanyang plano ang palakasin ang intelligence unit ng ahensiya.
