Judith Estrada-Larino

Tuluy-tuloy ang pagbibigay ng tulong Boy Scouts of the Philippines (BSP) sa mga medical frontliner at health care wokers sa gitna nang patuloy na paglaban ng bansa sa coronavirus disease 2019 (COVID-19).

Sa katunayan ipinabatid ni Dating Bulacan Governor Roberto Obet Pagdanganan, National President ng BSP na binuksan na nila sa pagsisimula pa lamang ng enhanced community quarantine (ECQ) ang BP International Hotel sa Maynila na pag aari ng organisasyon para sa medical frontliners mula sa Philippine General Hospital.

Bukod dito sinabi ni Pagdanganan na ginagamit na ring quarantine facilities ng local government units ang pag aari ng bsop na lancaoan hall sa Mount Makiling Campsite at Camp Abuyog sa Teresa, Rizal.

Nakikiisa aniya ang bsop sa mga hakbanging ng gobyerno para matulungan ang mga frontliners habang umiiral ang ecq gayundin sa kampanya kontra COVID-19.

Tuloy pa rin ang pagtaas ng bilang ng kumpirmadong kaso ng coronavirus disease 2019 (COVID-19) sa bansa.

Ayon sa Deparment of Health (DOH) hanggang kahapon,  Lunes  nasa 6,459 ang bilang ng mga tinamaan ng COVID-19 na nadagdagan ng 200 kaso sa nakalipas na magdamag.

19 na pasyente ang nadagdag sa death toll na nasa 428.

Samantala , 41 naman ang gumaling sa COVID-19 sa nakalipas na 24 oras kayat pumapalo na sa 613 ang total recoveries ng nasabing virus sa bansa.

Nakatakdang tumanggap ng P5,000 na ayuda ang mga magsasaka mula sa Department of Agriculture (DA).

Ipinabatid ni Agriculture Secretary William Dar na ang one time cash assistance para sa rice farmers na apektado ng enhanced community quarantine (ECQ).

Pumapalo aniya sa halos 600,000 magsasaka sa 34 na lalawigan ang natukoy na beneficiaries ng nasabing cash assistance sa ilalim ng rice competitiveness enhancement fund (RCEF).

Sinabi ni Dar na ang ibang magsasaka naman ay sakop ng social amelioration program ng gobyerno.

Nananatiling ‘sound and stable’ ang banking system ng bansa.

Tiniyak ito ng Bangko Sentral ng Pilipinas (BSP) sa publiko kayat available pa rin ang financial services kahit limitado sa kasagsagan ng enhanced community quarantine (ECQ).

Bukod dito ipinabatid ng bsp na handa silang i address ang lahat ng usapin hinggil sa financial services lalo sa gitna ng coronavirus disease 2019 (COVID-19) crisis.

Tuluy tuloy pa rin anito ang pakikipag ugnayan nila sa mga bangko para masigurong hindi naaantala ang mga transaksyon at iba pang aktibidad.

Hinimok din ng bsp ang publiko na kumuha ng online banking, E-money services at electronic fund transfer para maiwasan ang pagkalat ng virus.

Nagbabala ang isang health expert na hindi dapat mag pakampante sa posibleng rebound na kaso ng coronavirus disease 2019 (COVID-19).

Ito ayon kay up Executive Vice President Teodoro Herbosa ay sa gitna nang pagbaba ng naitatalang kaso ng COVID-19 sa bansa araw araw.

Sinabi ni Herbosa na mayruong rebound ng kaso tulad nang nangyari sa South Korea at Singapore na kapwa expert at magaling sa ginawang pagtugon sa COVID-19 subalit nagkaruon ng rebound o biglang pagtaas ng kaso.

Ito aniya ang isa sa dapat tingnan ng gobyrno sa pagpapasya kung babawiin o palalawigin pa ang enhanced community quarantine (ECQ) na kung aalisin ay dapat nakahanda ang bansa sa pagsipa ng kaso o kaya naman ay puwedeng localized ang pagpapatupad nito.