Judith Estrada-Larino

Ibinabala ng World Health Organization (WHO) na dapat gradual lang o dahan-dahan ang gagawing pagtanggal sa mga lockdowns sa iba’t ibang panig ng mundo upang maiwasan ang pagkalat ng coronavirus disease 2019 (COVID-19).

Ayon kay Takeshi Kasai, WHO Regional Director for the Western Pacific, posibleng kumalat muli ang impeksiyon kapag niluwagan ang mga ipinatutupad na restrictions.

Sinabi ni Kasai na napatunayan na kung gaano ka-epektibo ang lockdown measures kaya dapat nang masanay ang mga tao sa kasalukuyang kalagayan ng lipunan.

Dagdag pa ng WHO official, dapat manatili ang mga proseso sa pagtugon ng bawat bansa sa epidemya lalo’t wala pa namang natutuklasang bakuna laban sa COVID-19.

Hindi maaaring magpatupad ng sarili nilang mga panuntunan ang mga may ari ng condominium sa panahon ng health crisis.

Binigyang diin ito ni DILG Secretary Eduardo Ano kayat dapat i-respeto ng condominium owners ang mga otoridad at sumunod sa mga panuntunan sa ilalim ng enhanced community quarantine (ECQ).

Sinabi ni Ano na walang pinipili o tinitingnan sa pagpapatupad ng quarantine at dapat igalang at mahigpit na sumunod sa mga regulasyon tulad ng pagsusuot ng mask at social distancing na aniya’y dahilan kayat nagpunta ang mga pulis sa nasabing condominium property sa Taguig City.

Ayon kay ano napanuod niya ang video at wala namang panununtok ng baril na isa sa mga inirereklamo ng property manager.

Gayunman  tiniyak ni Ano na mananagot ang mga pulis dahil hindi tamang sigawan ang mga residente.

Sapat ang supply ng tubig sa Metro Manila mula sa Angat Dam hanggang matapos ang enhanced community quarantine (ECQ) o hangagng sa buwan ng Mayo bago pa mag tag ulan.

Ayon ito kay NWRB Executive Director Sevillo David na nagsabing sapat ang supply mula sa kasalukuyang alokasyon na 46 cubic meters per second.

Ipinabatid pa ni David na nasa normal operating level ang Angat Dam sa 192.25 meters  at mas mataas pa sa minimum operating level na 180 meters.

Nakatakda nang dumating sa Maynila sa Abrill 24 ang presidential yacht na magsisilbing floating quarantine facility.

Ayon sa Pangulong Rodrigo Duterte  ang BRP ang pangulo ay ni remodel at kasalukuyang nasa Davao City.

Una nang inanunsyo ng Philippine Navy na ang presidential yacht ay uubrang makapag accommodate ng 28 pasyente at mayruong limang medical personnel na nabigyan na ng personal protective equipments (PPE)’s at sumailalim na sa rapid antibody tests.

Mahigit 55,000 indibidwal ang naisalang na sa coronavirus disease 2019 (COVID-19) test simula nang maitala ang unang kumpirmadong kaso ng virus sa bansa noong Enero.

Ang unang kaso ng COVID-19 sa bansa na kinumpirma ng Department of Health (DOH) noong ika-30 ng Enero ay isang 38-anyos na Chinese national  na nagbiyahe sa Wuhan at ito ay naka-recover mula sa nasabing sakit.

Simula noon, Ayon Kay Health Undersecretary Maria Rosario Vergeire, ay 17 laboratoryo na sa buong bansa ang nakapagtest ng mahigit 55,000 katao.

Pinakarami aniya ang naisalang sa COVID-19 test ng Research Institute for Tropical Medicine (RITM) na nasa mahigit 34,000.

Mula sa mga nasabing accredited facilities, 40 iba pang institusyon ang kasalukuyang sumasailalim sa laboratory certification process ng DOH.

Nai-deliver na ng Manila HealthTek Lab Incorporated sa University of the Philippines – National Institutes of Health (UP-NIH) ang gawa nitong coronavirus disease 2019 (COVID-19) test kit.

Ang UP-NIH ang unang health facility na gagamit sa GenAmplify COVID-19 RRT -PCR test kit sa ilalim ng field implementation na pinondohan ng Department of Science and Technology (DOST) at Philippine Council for Health Research and Development.

Ayon sa DOST, ang field implementation ay sumasakop sa 26,000 tests at nasa P53.2-milyon ang kabuuang halaga ng nasabing proyekto.

Sinabi ni DOST secretary Fortunato Dela Peña na ang pamamahagi ng mga nasabing test kits ay magpapataas sa kapsidad ng UP-NIH na magsagawa ng mas marami pang test araw-araw o 25 tests kada isang pagkakataon at malalaman na kaagad ang resulta sa loob ng dalawang oras.

Nadagdagan pa ang bilang ng mga Pilipinong apektado ng coronavirus disease 2019 (COVID-19) sa ibang bansa.

Ipinabatid ng Department of Foreign Affairs (DFA) na hanggang kahapon, Lunes, nasa 990 na overseas Filipinos ang kumpirmadong nagpositibo sa COVID-19 sa 42 bansa at rehiyon.

Sa naturang bilang, 584 ang patuloy na ginaamot sa iba’t ibang ospital.

Sinabi ng DFA na 263 naman ang naka-recover sa COVID-19 at 143 ang death toll sa nasabing virus.

(1/2) Of the 42 countries and regions with confirmed COVID-19 cases, the DFA as of today reports a total of 6 new cases, 4 new recoveries, and 3 new deaths in the Americas, Europe, Asia and the Pacific, and Middle East/Africa. pic.twitter.com/wJPe8nFBic

— DFA Philippines (@DFAPHL) April 20, 2020

Pinakamarami pa ring naitalang confirmed COVID-19-positive na overseas Pinoys sa bahagi ng Asia Pacific na may 274 cases, sumunod ang Europe na may 351 cases, Middle East/Africa na nakapagtala ng 156 cases at Americas na mayroong 209 cases.

Muling binuksan ang ospital ng Sampaloc sa lungsod ng Maynila.

Ipinabatid ng Manila Public Information Office (PIO) na kahapon, ika-20 ng Abril, binuksan ang nasabing ospital bilang paanakan at para sa konsultasyon na rin ng mga sanggol at bata.

PUBLIC ADVISORY: Ang Ospital ng Sampaloc ay opisyal na nagbukas muli sa publiko ngayong Lunes, ika-20 ng Abril bilang paanakan at para sa konsultasyon ng mga sanggol at bata.#AlertoManileno pic.twitter.com/aHHaStLdOj

— Manila Public Information Office (@ManilaPIO) April 20, 2020

Una rito, ang ospital ng Sampaloc ay isinara nitong nakalipas na ika-4 ng Abril para mabigyang pagkakataon ang mga doktor, nurse at iba pang health workers nito para makabawi amula sa pagkakasakit at makapagsagawa na rin ng disinfection.

Samantala, tiniyak ni Manila Mayor Isko Moreno ang pagsasailalim sa 48-hour total lockdown sa Sampaloc area anumang araw ngayong linggong ito, matapos itong makapagtala ng pinakamataas na kaso ng coronavirus disease 2019 (COVID-19) sa lungsod ng Maynila.

Bukas ang Department of Social Welfare and Development (DSWD) na isapubliko ang listahan ng mga nakatanggap o beneficiaries ng emergency cash subsidies ng goibyerno sa ilalim ng social amelioration program (SAP).

Ito ayon kay DSWD Undersecretary Camilo Gudmalin ay sa ngalan na rin ng transparency.

Sinabi ni Gudmalin na daan din ang paglalabas ng listahan para masuring mabuti ng publiko ang mga beneficiary at kung mayruong hindi kuwalipikado ay mai report din sa mga otoridad.

Sakaling may mga hindi kuwalipikadong nakatanggap ng ayuda inihayag ni gudmalin na kailangang ibalik sa gobyerno ang naibigay na financial assistance.

Magsasagawa naman aniya sila ng validation at post audit matapos mai release ang lahat ng financial assistance base na rin sa report ng local government units (LGU)’s para matiyak na tanging mga qualifid beneficiaries lamang ang maaabot.

Pabor ang ilang mambabatas sa pagkakasa ng modified enhanced community quarantine (ECQ) matapos ang Luzon-wide sa Abril 30.

Ayon kay Senador Panfilo Lacson pabor siya sa modified ecq na mayruon pa rin social distancing para ma balanse ang isyu ng pampublikong kalusugan sa epekto ng ekonomiya ng bansa.

Dapat aniyang magsagawa ng economic risk assessment kasabay nang pagpapatupad ng decentralized coronavirus disease 2019 (COVID-19) testing system sa pamamagitan ng public private collaborations.

Sinabi naman ni Senador Edgardo Angara na dapat gawing gradually o dahan dahan ang mga bagay bagay para makaiwas sa malakihang outbreak at payagan ang ilan pang essential services at industries na makapag operate sa ilalim ng mahigpit na mga panuntunan.

Iminungkahi naman ni Senador Joel Villanueva ang pag a alis ng quarantine protocols sa mga lugar na i-aassess pa rin sa usapin ng COVID-19 outbreak.

Bagamat papayagan ang ilang industriya na makapag operate inihayag ni Villanueva na dapat manatiling sarado muna ang mga mall at paaralan.

Kabilang naman sa factors ayon kay Senador Sherwin Gatchalian para i-modify o i-lift ang ECQ ay go signal mula sa medical experts, pagtataas ng testing capacity ng hanggang dalawampung libong test kada araw at flattened COVID-19 curve.

Binigyang diin naman ni Senate President Vicente Sotto  III na dapat mapalawig ang ECQ hanggang ABRIL 30 kung hindi magiging maayos ang mass testing.

Samantala  sa kamara naman pabor din sina Congressmen Alfredo Garbin, Mike Defensor at Angelica Natasha Co sa modified ECQ sa mga dahilang tinukoy din ng mga senador.

Una nang hinimok ni House Ways and Means Committee Chair Joey Salceda ang inter agency task force na irekomenda sa Pangulong Rodrigo Duterte ang dalawang linggo pang pagpapalawig sa Luzon-wide lockdown matapos ang Abril 30. Ulat mula kina — Jill Resontoc at Cely Ortega-Bueno (Patrol 7 at 19)