Judith Estrada-Larino

Lilimitahin muna ng Research Institute for Tropical Medicine (RITM) sa apat na lungsod sa Metro Manila ang tatanggapin nitong specimen para sa coronavirus disease 2019 (COVID-19) tests.

Kasunod na rin ito ng pagiging positibo ng nasa 40 miyembro ng RITM staff sa COVID-19.

Sinabi ng RITM na naghinay-hinay sila sa kanilang operasyon simula ika-16 ng Abril hanggang ika-24 ng Abril.

Ayon sa RITM, tanging mga specimen mula Muntilupa, Paranaque, Las Piñas at Pasay lamang muna ang kanilang tatanggapin hanggang hindi pa bumabalik sa normal ang kanilang staff para mag-resume din ang kanilang regular operations.

Inire-refer naman ng RITM sa ibang subnational laboratories at COVID-19 partner laboratories ang ilang natanggap nilang specimen para hindi ma delay ang testing at pagpapalabas ng mga resulta.

Pinag-aaralan na ng Departmnet of Justice (DOJ) ang posibleng pagsasagawa ng mass coronavirus disease 2019 (COVID-19)  testing sa Correctional Institution for Women sa  Mandaluyong City kung saan 19 na bilanggo at isang staff member ang nag positibo sa virus.

Sinabi ni Justice Secretary Menardo Guevarra na nakikipag usap na sila sa ilang grupo kabilang ang Red Cross para sa pagsasagawa ng mass testing sa correctional.

18 pang bilanggo at isang staff member sa correctional ang nag positibo sa COVID-19 ilang araw matapos inanunsyo ng bureau of corrections ang unang kumpirmadong kaso ng  COVID-19 dito na isang 72 taong gulang na bbae na mayruong diabetes at na diagnose ng community acquired pneumonia.

Ayon kay Guevarra  inatasan na nila ang coreectional na kaagad i-isolate ang mga nasabing kaso sa kanilang quarantine facilities at kaagad isugod sa ospital ang sinumang bilanggo na magpapakita ng malalang sintomas.

Inirekomenda ng mga expert mula sa University of the Philippines ang kanselasyon ng klase hanggang sa disyembre para mapabagal ang pagkalat ng coronavirus disease 2019 (COVID-19).

Ito ayon kay up Resilience Institute Executive Director Mahar Lagmay ay dahil lumalabas sa model na inihanda ng up COVID-19 pandemic response team na ang social interaction ay pinakamataas sa mga may edad zero hanggang 19 years old bracket na nasa 56%.

Sinusundan ito ng mga may edad 20 hanggang 39 na nasa 29%, 13% naman ang mga nasa 40 to 59 years old at 2% sa mga 60 years old pataas.

Sinabi ni lagmay na base sa mga model malaki ang maibabawas sa transmission ng COVID-19 ang kawalan ng klase hanggang sa buwan ng Disyembre.

Inihayag naman ni Presidential Spokesman Harry Roque na wala pang desisyon hinggil dito ang Pangulong Rodrigo Duterte bagamat isang expert naman ang nagsabing kapag sinuspindi ang klase, wala ring medical students na ga graduate sa panahon na kailangan ng bansa ng medical graduates gayundin ng nursing graduates.

Una nang inihayag ni education secretary na sa agosto sa halip na sa hunyo ang pagbubukas ng 2020 academic year dahil sa COVID-19 subalit bahala na aniya ang IATF at Pangulong Duterte na magpasya kung kailan maaaring buksan ang darating na school year.

Inaprubahan na ng National Economic and Development Authority (NEDA) ang mahigit P5-B panukalang emergency response project ng Department of Health (DOH).

Bahagi ng nasabing proyekto ang pagtatayo ng coronavirus disease 2019 (COVID-19) testing at quarantine facilities sa anim na pangunahing paliparan sa buong bansa.

Inaprubahan din ng investment coordination committee ng NEDA ang 21-first line decontamination facilities sa mga international airports sa ilang piling lugar sa bansa.

Inaasahang makakatulong ang nasabing proyekto sa national laboratories at sub-national public health laboratories sa paghawak ng COVID-19 cases.

Gagamitin din ang bahagi ng pondo sa pag refurbish at pagtatayo ng negative pressure isolation rooms sa pitumpung doh at walumput limang provincial public hospitals at makapagtayo rin ng apat na raan at limampung isolation tents sa buong bansa.

Bahagi pa ng pondo ang ipambibili ng personal protective equipments, COVID-19 test kits, diagnostic at life support equipments.

Magiging delikado kapag pinayagan ang Philippine Offshore Gaming Operations (POGO) na makapagbukas muli ng kanilang negosyo sa gitna na rin ng coronavirus disease 2019 (COVID-19)  pandemic.

Pananaw ito ni Senate Labor Committee Chair Joel Villanueva  dahil malaki ang potensyal ng pogo bilang high risk sector na makapagpakalat ng COVID-19 dahil maraming manggagawa ang nagta trabaho sa isang enclosed area at nakatira sa high rise condominiums.

Sinabi pa ni Villanueva na karamihan sa mga POGO operators ay hindi nagbabayad ng buwis kayat walang dahilan para payagang makapag operate muli ang mga ito.

Una nang inihayag ni Pagcor Chair Andrea Domingo na irerekomenda nya sa Pangulong Rodrigo Duterte para sa muling pagbubukas ng POGO subalit kailangan ang mahigpit na pagpapatupad ng social distansing, pagsusuot ng mask at paghuhugas palagi ng mga kamay.

Obligadong sumailalim sa rapid testing para sa coronavirus disease 2019 (COVID-19 ) ang lahat ng Overseas Filipino Workers (OFW)’s na uuwi sa bansa.

Binigyang diin ito ni Cabinet Secretary Karlo Nograles, tagapagsalita ng Inter-Agency Task Force for the Management of Emerging Infectious Diseases  (IATF) base na rin sa department memorandum 2020-0180 ng Department of Health (DOH).

Ang mga Sea-based Pinoy workers naman na mula sa cruis ships at naisyuhan na ng clean bill of health ng Bureau of Quarantine at mayruon nang certificate of completion ng kanilang 14-day quarantine mula sa pinagmulang bansa ay hindi na kailangang sumailalim sa rapid antibody testing.

Maliban sa mandatory testing  iiral pa rin ang mandatory 14-day facility based quarantine sa mga umuuwing OFW.

Walang isinusulong na total lockdown sa Luzon ang mga health expert na kinunsulta ng Pangulong Rodrigo Duterte kaugnay sa paglaban sa coronavirus disease 2019 (COVID-19) pandemic.

Sa katunayan ipinabatid ni Presidential Spokesman Harry Roque na mayruong concensus halos ang health experts na hindi na dapat masakop ang buong Luzon sa anumang posibleng extension pa ng enhanced community quarantine (ECQ) na magtatapos sa Abril 30.

Sa ginanap na konsultasyon kahapon tinanong ng Pangulo ang health experts sa mga posibleng epekto kapag na-lift, na-modify o napanatili ang Luzon wide ECQ.

Hiningi rin ng pangulo ang pananaw ng health experts sa posibilidad ng ikalawang yugto ng COVID-19 infections at kung ilan ang mamamatay mula sa virus kapag ini-relax o ini-lift ang ECQ.

Kabilang sa mga kinusulta ng pangulo sina Dating Health Secretaries Esperanza Cabral, Janet Garin at Jaime Galvez-Tan public health expert Dr. Susan Mercado, Health Reform Advocate Dr. Anthony Leachon at Dr. Mahar Lagmay ng University of the Philippines.

Naipalabas na ng Department of Education (DepEd ) ang P6,000 halaga ng clothing allowance ng mga guro.

Ipinabatid ito ni Education Undersecretary Annalyn Sevilla na nagsabi ring maaga na ring naibigay ang suweldo ng mga guro para sa Marso at Abril at pin- proseso na ang pera naman sa Mayo.

Sinabi pa ni Sevilla na sa Mayo 15 naman ay ipapalabas na nila ang 13^th-month pay ng mga guro.

Layon aniya ng mga nasabing hakbangin na makatulong sa pinansyal na pangangailanga ng public school teachers ngayong nasa health crisis ang bansa.