Humihingi ng dagdag presyo sa kanilang produkto ang mga gumagawa ng sardinas.
Ito ayon kay Francisco Buencamino, Executive Director ng Canned Sardines Association of the Philippines ay dahil sa pagtaas ng presyo ng tin can o latang ginagamit nila sa kanila mga produkto.
Hiling ng sardines manufacturers ang P 4.00 taas sa kada lata.
Binalaan ng DILG ang mga LGU na mabibigong magpatupad ng mandatory o obligadong pagsusuot ng facemask sa indoor events.
Ayon kay DILG Secretary Benhur Abalos , papananagutin nila ang mga LGU na papalpak sa indoor facemask wearing
Una nang inirekomenda ng IATF ang boluntaryong pagsusuot ng facemask sa outdoor areas
Bini verify pa ng Department of Health (DOH) ang nationality ng pasaherong sakay ng Philippine Airlines Flight patungong Hongkong na una nang napaulat na infected ng monkeypox.
Ayon kay DOH OIC Maria Rosario Vergeire,nakikipag ugnayan na sila sa Hongkong Ministry of Health matapos inanunsyo ni PAL Spokesperson Cielo Villaluna na ang nasabing pasahero ay sakay ng kanilang PR300 flight noong September 5.
Ipinabatid ni Vergeire na batay sa nakuha nilang initial report ,hindi pa natutukoy ng Hongkong Authorities ang nationality
ng nasabing pasahero kaya’t mahigpit ang koordinasyon nila sa naturang usapin kung saan apat na monkeypox cases na ang na detect ng Pilipinas.
Kasabay nito,tiniyak ni Vergeire ang patuloy at pinalakas na surveillance ng DOH sa monkeypox lalo na sa mga bansang nade-detect ito.
Bumaba ang bilang ng mga Pilipinong walang trabaho.
Ayon ito sa Philippine Statistics Authority (PSA) na nagsabing gumanda ang employment rate sa buwan ng Hulyo.
Gayunman, ipinabatid ng psa na tumaas din ang bilang ng mga underemployed na ayon anito sa analysts ay usapin ng kalidad ng trabaho sa na nasa merkado.
Inihayag ng PSA na bumaba sa 5.2 percent ang unemployment rate nuong Hulyo na katumbas ng 2.6 – M jobless pinoys kumpara ito sa 6 % na unemployment rate na naitala sa buwan ng Hunyo.
Samantala, nasa 6.54-M pinoys ang underemployed nuong Hulyo ..Mas mataas sa halos 6 – M noong Hunyo.
Binigyang diin ng PSA na gumanda o bumuti ang employment rate sa 94. 8 % para sa July 2022 o katumbas ng halos 48-M.
Itinanggi ni MECO Head Silvestre Bello, III ang report na pansamantalang sinuspinde ng Taiwan ang visa free privilege nito para sa mga Pilipino.
Ayon kay Bello, nakausap niya si Taiwanese representative to the Philippines Michael Pei-Yung Hsu na nagsabing posibleng nagkaruon lamang ng misunderstanding sa naturang report.
Sinabi ni Bello na batay sa paliwanag ng ambassador, hindi naman nabanggit ang Pilipinas sa anunsyo mismo ng Taiwan hinggil sa iniaalok na visa free entry sa ibang bansa tulad ng Amerika, United Kingdom, Canada at mga bansa sa Europa.
Hindi nasasagot ng Pinaslakas Vaccination Campaign ang takot ng mga Pilipino sa side effects ng COVID-19 booster shots.
Ayon ito kay Dr. Maricar Limpin, Immediate Past President ng Philippine College of Physicians (PCP) dahil “more political” aniya ang dating ng nasabing kampanya kaya’t hindi ito makabuluhan sa publiko.
Sinabi ni Limpin na sa naturang kampanya, lalakas ang Pilipinas subalit dapat ding makita ang inaasahang aksyon mula sa publiko.
Magugunitang target ng gobyerno na hanggang nitong Hulyo ay makapagbigay ito ng booster shots sa 23 million Pinoys subalit hanggang nitong September 6 ay nasa 2.2 million pa lamang ang nabibigyan ng booster jabs.
Na-iturn over na sa Eternal Chapels Mortuary and Chapel Services ang management at operation ng Green Hills Memorial Chapel sa Plaza Divisoria sa Cagayan De Oro City.
Sa isinagawang seremonya, binigyang diin ni Jose Antonio Rivera, Vice President for Sales and Marketing ng Eternal Chapels na itinuturing nang landmark ang Green Hills Memorial Chapel at Memorial Care Institution sa bahagi ng Divisoria sa mahigit 50 taon na.
Nais aniya nilang matiyak na magtutuluy-tuloy ang tradisyon ng memorial care sa lugar kung saan mismo nagsimula at gumawa ng legacy ang Green Hills Memorial Chapel.
Tiniyak naman ni Eternal Chapels President Numeriano Rodrin sa mga kliyente ng Green Hills Memorial Chapels nang pinaigting na serbisyo at pinaayos na mga pasilidad sa ilalim ng bagong management.
Bilang provider ng kumpletong mortuary at chapel services, binuksan ng Eternal Chapels ang unang sangay nito nuong 2017 sa Eternal Gardens Greenhills sa Barangay Bulua, Cagayan De Oro City at mula nito ay naitayo na rin ang dalawa pang sangay nito at patuloy pa ang konstruksyon ng ikatlong sangay nito sa Balagtas, Batangas City.
Ang Eternal Chapels ay bahagi ng Eternal Memorial Group kasama ang mga sister company nitong Eternal Gardens, Eternal Crematory Corporation at Eternal Plans na bahagi ng mas malaking grupo na ALC Group of Companies na itinatag ng yumaong dating Ambassador Antonio Cabangon Chua at pinamumunuan ngayon ng Chairman nitong si D. Edgard Cabangon.
Aangkat ang bansa ng asin.
Ito ayon kay Agriculture Undersecretary Domingo Panganiban ay kasunod na rin ng problema sa supply at local production ng asin sa bansa.
Sinabi ni Panganiban na mayruon na silang P100 million para simulan nang umangkat ng asin.
Una nang inihayag ni Panganiban na ang kakulangan sa asin ay dahil sa ilang taong pagpapabaya ng industriya kasama ang Bureau of Fisheries and Aquatic Resources (BFAR) na hindi ginamit ang P100 million budget nito para sa 2021 upang palakasin ang salt production sa bansa.
Malaki ang potensyal ng bagong inhalable COVID-19 vaccine na makatulong sa mga Pilipinong labanan ang nasabing sakit.
Binigyang diin ito ni Dr. Nina Gloriani, pinuno ng vaccine expert panel subalit hindi pa aniya nagpa-file ang Cansino Biologics ng Emergency Use Authorization (EUA) sa FDA.
Ayon kay Gloriani, sa halip na i- injection, ipapadaan ang gamot sa ilong o bunganga kung saan din normal na pumapasok ang virus o natural infection.
Tinukoy ni Gloriani ang magandang proteksyong ibinibigay ng nasabing inhalable na booster sa Omicron variant, base na rin sa pagkukumpara ng mga expert sa iba pang injectable.
Gayunman, sinabi ni Gloriani na kailangan pa ng mas maraming pag-aaral kung uubrang gamitin ang nasabing inhalable vaccine sa mga may asthma.
Patay ang siyam katao dahil sa gastroenteritis sa Iloilo City.
Ayon kay Iloilo City Mayor Jerry Trenias, nasa halos 400 katao na ang dumaranas ng gastroenteritis matapos uminom ng hindi malinis na tubig.
Marami pa aniya ang naka confine at malaking porsyento ng mga ito ay mga baby at senior citizens.
Ipinabatid ni Trenias na 29 na water refilling stations ang naipasara matapos ang mga nasabing insidente
Nasa 3,000 hanggang 10,000 balon ang na inspeksyon na rin ng mga otoridad.
Tiniyak ni Trenias na tinututukan na nila ang usapin lalo’t nag face to face classes na sa mga paaralan.