Judith Estrada-Larino

Kinuha ng DSWD at Land Bank of the Philippines ang serbisyo ng anim na financial service providers para pabilisin ang pagpapalabas ng ikalawang tranche ng social amelioration program (SAP) sa pamamagitan ng digital payments scheme.

Kasunod na rin ito nang nilagdaang memorandum of agreement ng DSWD at Landbank sa Starpay Corporation, G-Exchange Incorporated, Pay Maya Philippines Incorporated, RCBC, Robinsons Bank Corporation at Union Bank of the Philippines.

Pangangasiwaan ng Landbank at magpapatupad ng pag-credit ng emergency subsidy sa mga beneficiary sa kani-kanilang account sa iba pang financial institutions sa pamamagitan ng electronic fund transfer gamit ang pesonet at instapay base na rin sa direktiba at payroll documents na ibibigay ng DSWD sa loob ng 24 oras.

Regular ang pakikipag-ugnayan ng Food and Drug Administration (FDA) sa DOST para sa technical review ng mg mag-a-apply ng coronavirus disease 2019 (COVID-19) vaccine clinical tiral sa bansa.

Ipinabatid ito ni FDA Director General Eric Domingo na nagsabing mayroong 17 candidate vaccines kontra COVID-19 ang nasa clinical trial stage na ng iba’t-ibang bansa samantalang mahigit 100 pa ang nasa pre-clinical stage naman.

Habang nasa trial stage ang mga nasabing bakuna nauna nang sumali ang Pilipinas sa hiwalay na clinical trial ng World Health Organization (WHO) kung saan apat na uri ng off labeled drug ang sinusubukan bilang gamot sa mga pasyenteng may COVID-19.

Kabilang sa mga gamot na ito ang hydroxychloroquine, remdesevir, lopinavir with ritonavir at lopinavir with ritonavir plus interferon beta-la.

Sa mga naturang gamot ang anti ebola drug na remdesivir ang nakitaan ng positibong epekto sa mga ginamitang pasyente.

Binigyang diin ni Domingo na hangga’t wala pang lunas sa COVID-19 ay dapat manatiling balanse sa kaligtasan ng mga pasyente ang ginagawang clinical trials sa mga gamot.

Naghain ng reklamo sa NBI ang tatlong nurse na pinigilang makalabas ng kanilang unit ng mga security personnel ng isang condominium tower sa Quezon City.

Kabilang sa mga kinasuhan ng serious illegal detention sina Mel Tosco, property manager/administrative head ng Victoria Towers Condominium Napoleon Brinias, head security management ng San Jose Builders Incorporated Atty Jerich Jucaban, vice president SJBI security guard na si Sadat Macabanding at limang iba pa.

Ayon sa report naghain ng reklamo sa NBI special action unit ang tatlong nurse matapos anilang illegal silang i-confine sa kanilang condminium unit mula pa noong June 22 sa kabila nang pagpapakita nila ng medical clearance na nagpapatunay na COVID-19 free na sila at fit nang mag trabaho muli.

Kahit nagtungo na ang mga tauhan ng NBI sa Victoria Towers nanindigan ang mga opisyal ng tower na huwag palabasin ng kanilang unit ang mga nurse dahil kailangan pang kumuha ng barangay clearance.

Subalit mismong ang barangay na ang nagsabing hindi na kailangang kumuha ng clearance mula sa kanila kaya’t umakyat na ng 9th floor ang mga tauhan ng NBI para i-rescue ang tatlong complainants.

Pansamantalang sinuspinde ang isasagawang medical trial ng Moderna Technologies para sa bakunang tinutuklas nito kontra coronavirus disease 2019 (COVID-19).

Ito ay matapos bumagsak ng 7% ang shares ng Moderna noong isang araw na nakaapekto sa gagawing trial.

Hnindi naman tinukoy ng moderna kung kailan isasagawa ang huling yugto ng trial kung saan 30,000 na ang nag boluntaryo para sa nasabing bakuna.

Una nang inihayag ng kumpanya na itutuloy nila ang nasabing trial ngayong buwan kung saan nasa phase 3 na sila.