Judith Estrada-Larino

Isang convalescent plasma center ang binuksan ng Philippine Red Cross.

Ayon kay Senador Richard Gordon, pangulo ng Red Cross malaki ang maitutulong ng nasabing Plasma Center sa port area sa Maynila para tugunan ang pangangailangan ng coronavirus disease 2019 (COVID-19) patients.

Tinawag ni gordon bilang armas laban sa COVID-19 ang nasabing plasma center kung saan ayon sa mga duktor ng pgh ay makakatulong sa recovery ng siyam mula sa 10 pasyente ng COVID-19 .

Sinabi ni gordon na bukas ang plasma center sa COVID-19 survivors mula 18 hanggang 65 years old at maaari lamang makipag ugnayan sa Red Cross hotline 143 o 09175820499.

Pumapalo na sa 57,006 ang kabuuang kumpirmadong kaso ng coronavirus disease 2019 (COVID-19) sa bansa.

Ito ayon sa Department of Health (DOH) ay matapos maitala ang dagdag na 836 na kaso ng nasabing virus.

Sa mga nadagdag na kaso 749 ang fresh cases at 87 ang late cases.

605  naman ang nadagdag sa death toll na sa ngayon ay pumapalo na sa 1,599.

Umakyat na sa 20,371 ang total recoveries mula sa COVID-19 matapos madagdag ang high record na 4,325 bagong recoveries.

Nasa 35,036 naman ang active case ng COVID-19.

Samantala ipinabatid ng DOH na aprubado na nito ang nasa 63 polymerase chain reaction facilities at 22 Genexpert laboratories na nakapag-test na ng halos 910,000 indibidwal hanggang nitong nakalipas na July 11.

Inaasahang iaanunsyo sa Miyerkules ng Pangulong Rodrigo Duterte ang bagong quarantine classifications na ipatutupad sa buong bansa simula sa July 16.

Ayon ito kay Presidential Spokesman Harry Roque na nagsabing isasapinal ngayong araw na ito ng IATF ang kanilang rekomendasyon sa apela ng ilang local government units hinggil sa kanilang posibleng quarantine status.

Matatapos na bukas ang pinaiiral na enhanced community quarantine sa Cebu City at general community quarantine sa Metro Manila.

Iba’t ibang hakbangin ang ikinakasa ng mga bansa para mapasigla muli ang kanilang kalakalan, production operations at iba pa sa gitna na rin ng coronavirus disease 2019 (COVID-19) pandemic.

Binigyang diin ito ni NEDA Undersecretary Rosemarie Edillon kaya’t hindi uubrang ikumpara ang trade at economic performance ng Pilipinas sa iba pang mga bansang apektado rin ng pandemya.

Mayruon aniyang kunsiderasyon sa pagtugon ng isang bansa at kanilang trading partners sa kasalukuyang sitwasyon.

Sinabi ni Edillon na ang pagbilis o pagbagal ng kalakalan ay indikasyon lamang ng ilang adjustment na magandang palatandaan ng economic activity.

Sa kabuuan ipinagmalaki ni Edillon ang nakikita nilang recovery sa manufacturing sector na pangunahing bahagi para makabawi mula sa dagok sa ekonomiya ng global health.