Judith Estrada-Larino

Dapat na bigyan pa ng pagkakataon ang mas malawak na pagpapatupad ng Republic Act 11165 o An Act Institutionalizing Telecommuting as an Alternative Work Arrangement for Employees in the Private Sector “Telecommuting Act”.

Ayon ito kay Senador Joel Villanueva, pangunahing may akda at sponsor ng nasabing batas sa gitna na rin ng mga panukalang amiyenda hinggil dito.

Sinabi ni Villanueva na kailangang mapag-aralan ang panukalang gawing mandatory ang application ng nasabing batas gayung hindi naman lahat ay uubrang mag work-from-home.

Bukod dito binigyang diin ni Villanueva na hindi lahat ng employers ay mayruong kapasidad na maisulong ang work-from-home arrangements.

Tiniyak ni House Speaker Alan Peter Cayetano na ibubunyag ang aniya’y naaamoy niyang ‘sweetheart deal’ sa pagitan ng Meralco at Energy Regulatory Commission (ERC) na nagdulot ng mataas an singil sa kuryente sa mga nakalipas na buwan.

Sa pagdinig ng House Committee on Good Governannce and Accountability sinabi ni Cayetano na halata ang pagkiling ng ERC sa Meralco kayat malakas ang loob ng kumpanyang sumingil ng todo todo sa konsumo sa kuryente.

Iginiit ni Cayetano na hindi ubrang maisakripisyo ang pangangailangan ng publiko para lamang ma benepisyuhan ang mga malalaking kumpanya, may mga kapit sa kapangyarihan o mayayaman.

Inihirit ni Cayetano sa Meralco na humanap ng paraan para maging magaan sa consumers ang pagbabayad nla ng kanilang bills tulad ng pagbibigay ng subsidy o discount sa mga ito.

Ayaw pang kumpirmahin ng Malakanyang kung sa Batasang Pambansa nga gagawin ang ika-limang SONA ng Pangulong Rodrigo Duterte sa July 27.

Ito ayon kay Presidential Spokesman Harry Roque ay dahil wala siyang natatanggap na impormasyon hinggil dito.

Sinabi ni Roque na kumpirmadong sa Batasan gagawin ang SONA pero hindi pa sigurado kung pisikal na magtutuno duon ang pangulo o magta-talumpati ito mula sa Malakaniyang.

Tiniyak ni Roque na isasapubliko naman ang mga detalye ng SONA ng pangulo kapag plantsado na ito.

Una nang inihayag ni Senate President Vicente Tito Sotto III na magtutungo sa Batasang Pambansa ang pangulo para isagawa ang kaniyang SONA.

Tatanggap pa rin ng enrollees ang Department of Education (DepEd) hanggang sa pagbubukas ng klase sa August 24.

Ito ayon sa Department of Education (DepEd) ay dahil sa pitong milyong estudyante pa ang bigong makapag enrol sa itinakdang enrolment period.

Sinabi ni Education Undersecretary Revsee Escobedo na maraming hindi nakapag enrol dahil sa epekto ng coronavirus disease 2019 (COVID-19) pandemic tulad ng mga magulang na natatakot para sa kalusugan ng kanilang mga anak.

Tinitiyak naman aniya nila ang kaligtasan ng mga bata sa pagpapatupad ng blended learning sa pasukan ngayong taon.

Ipinabatid ni Escobedo na nasa 300,000 estudyante rin aniya mula sa private schools ang lumipat na sa public schools dahil maraming magulang naman ang nawalan ng trabaho sa panahon ng lockdown bunsod na rin ng COVID-19.

Walang mababago sa ika-limang State of the Nation Address (SONA) ng Pangulong Rodrigo Duterte sa July 27.

Ayon kay Senate President Vicente Sotto III sa batasang pambansa pa rin magso- sona ang pangulo at naghahanda na aniya ang Palasyo dito.

Bahagi aniya ng paghahanda ang pagpapapasok lamang sa venue para sumaksi sa talumpati ng pangulo ng 50  katao na hahatiin pa mula sa executive department, Senado at Kamara.

Isasalang muna sa rapid test ang mga napiling sumaksi sa sona ng pangulo para matiyak nacoronavirus disease 2019 (COVID-19) free ang mga ito.

Bukod kay Sotto sa panig ng Senado  kabilang sa inaasahang personal na sasaksi sa SONA ng pangulo sina Senador Panfilo Lacson, Francis Tolentino, Ronald ‘Bato’ Dela Rosa, Christopher ‘Bong’ Go, Sherwin Gatchalian at Senate Majority Floorleader Juan Miguel Zubiri.

Tuluy-tuloy ang pagpapadala ng sulat ng Meralco sa kanilang customers para ipaliwanag ang May 2020 bill.

Ipinabatid ito ni Energy Secretary Alfonso Cusi matapos mag update sa kaniya si Meralco President at CEO Ray Espinosa hinggil sa pagpapadala ng sulat sa kanilang 4.1-million customers na sinimulan na nila nitong July 10.

Sinabi ni cusi na ipinaabot sa kaniya ni Espinosa na mas maiintindihan ng kanilang customers ang pagpapaliwanag nila para sa May 2020 bill kayasa sa nauna nang inisyu nila para sa June bill.

Kasabay nito ipinabatid ni Cusi na nag deploy na rin sila ng virtual agents sa ilang bayad center outlets na nasa franchise area ng Meralco para makausap ng paektadong customer ang sinumang empleyado ng power firm sa pamamagitan ng computer set up kaugnay sa kanilang billing concerns.

Halos 6,000 pang doktor at nurses ang kailangan sa mga ospital ng gobyerno.

Ito, ayon kay Health Assistant Secretary Kenneth Ronquillo, ay para matugunan ang ang patuloy na pagtaas ng bilang ng mga dinadapuan ng coronavirus disease 2019 (COVID-19).

Sinabi ni Ronquillo sa pagdinig ng house committee on civil service and professional regulation na ang pagpapaliban ng licensure examination ng Professional Regulatory Commission nitong Marso at Hunyo ang dahilan ng mababang augmentation ng mga doktor at nurses.

Ipinabatid ni Ronquillo na sa ginawa nilang emergency hiring ng medical professionals noong Abril, 344 lamang mula sa kailangang 882 ang nag-apply sa mga ospital, treatment at temporary monitoring facilities ng gobyerno.