Judith Estrada-Larino

Pinag-aaralan na ng Pamilya Delos Santos ang mga kasong isasampa laban kay NCRPO Chief Police Major General Debold Sinas matapos silang tangkaing palayasin sa kanilang tinitirhan sa Fort Bonifacio sa Taguig City.

Ayon kay Arles Delos Santos kumukunsulta na sila sa kanilang abogado para kasuhan ng trespassing, harassment, threats at grave misconduct si sinas at ilang pulis na bitbit nito nang lumusob sa kanilang bahay para itaboy sila.

Sinabi ni Delos Santos na kahit ipinakita na niya ang lahat ng mga dokumentong magpapatunay na sila na ang may ari ng nasabing bahay  ay sinigawan pa siya ni sinas at tinangka siya aniyang sapakin ng isang pulis nang makitang kinukuhanan nila ng video ang pagsugod ng tropa NG NCRPO.

Samantala pina iimbestigahan na ng pnp ang nasabing insidente.

Kinumpirma ng Bureau of Corrections (BuCor) na 21 sa kanilang mga bilanggo sa New Bilibid Prisons ang nasawi.

Gayunman dahil sa Data Privacy Act  tumanggi si BuCor Chief Gerald Bantag na ibunyag kung sinu sino ang mga nasawing bilanggo na kinabibilangan ng CHINESE at Filipino druglords at nasa walo hanggang siyam na itinuturing na high profile inmate.

Sinabi ni Bantag na naisumite na nila sa DOJ at DOH ang pangalan ng mga nasawing bilanggo at kaagad nilang ipinaalam sa pamilya ng mga ito ang nangyari sa mga preso.

Una nang lumutang ang pagmatay ng isa sa tinaguriang bilibid 19 na si Jaybee Sebastian dahil umano sa coronavirus disease 2019 (COVID-19) na pinadududahan mismo ng may bahay nitong si Roxanne na nagsabing posibleng nilason ang kaniyang asawa.

Umabot na sa critical level ang kaso ng coronavirus disease 2019 (COVID-19) sa East Avenue Medical Center sa Quezon City.

Ipinabatid ni Dennis Ordonia tagapagsalita ng EAMC na tumaas ang bilang ng COVID-19 patients sa kanilang ospital mula nang ibaba sa general community quarantine ang Metro Manila.

Sinabi ni Ordonia na nasa 20 porsyento ng mga pasilidad ng East Avenue ay nakalaan sa COVID-19 patients subalit target nilang itaas ito sa30 porsyento para ma accommodate ang mas marami pang pasyenteng dinapuan ng COVID-19.

Mayroong sapat na supply ng PPE o personal protective equipment ang San Lazaro Hospital.

Ipinabatid ito ni Dr. Rontgene Solante, tagapagsalita ng San Lazaro Hospital dahil alokasyon sa PPE ang nakikita nilang problema sa silent protest na isinagawa ng ilang nurse ng ospital.

Sinabi ni solante na kailangan nilang i-regulate ang pagpapalabas ng ppe para tumagal ang mga ito.

Inihayag naman kay Health Undersecretary Maria Rosario Vergeire nakikipag ugnayan na ang DOH a San Lazaro Hospital at tiniyak sa kanila ng administrador ng ospital na sapat ang supply ng PPE rito.

Iginigiit din ng nurses ng San Lazaro Hospital ang pagbabayad sa kanilang suweldo habang naka mandatory 14-day quarantine na ayon kay Vergeire ay bahagi naman ng kanilang leave credits.

Unti-unti na umanong kumakalas ang mga investor sa kumpanyang magpapatakbo ng ikatlong telco player sa bansa.

Nabatid na ibinenta na ang 30 percent na share ng Singapore Management Fund sa dito CME Holdings Corporation ng negosyanteng si Dennis Uy.

August 2018 nang bilhin ng kumpanyang Accion ang 842-million share OG stock mula sa kumpanya ni Uy sa halagang 1.45 per share o kabuuang  P1.22-billion.

Umarangkada umano nuong 2018 din ang pagso sosyo ng kumpanya ni Uy at bilihan ng shares of stock nang lumutang na makukuha nito ang slot para a third telco player.

Nitong June 30 naman ay kumalas din si dating DICT Undersecretary Eliseo Rio, Jr. Sa kaniyang pakikipag sosyo sa dito tele-community  sa shares nitong 1.2 million na nagkakahalaga ng mahigit P4-milyong bagama’t mayruon pang nalalabing 2.3-million shares sa nasabing kumpanya.

Parehong tikom ang bibig nina Rio at Singaporean company sa pagatras ng kanilang shares sa third telco player.

Mahihirapan nang makakuha ng frequency ang ABS-CBN.

Ayon ito kay dating DICT Secretary Rodolfo Salalima matapos mabigo ang media giant na makapag renew ng kanilang prangkisa.

Sinabi ni Salalima na sakaling mabigyang muli ng prangkisa ang Kapamilya network pu-puwede itong makakuha ng mga nalalabing frequency o silipin kung merong magagandang frequency na kahit okupa na at hindi naman nagagamit nang lubos.