Judith Estrada-Larino

Higpit pang pinaigting ng Philippine General Hospital (PGH) ang mga paghahanda at requirements na kinakailangan para sa vaccine roll out ng bansa.

Kasunod na rin ito nang inaasahang pagdating sa bansa ngayong linggo ng unang batch ng coronavirus disease 2019 (COVID-19) vaccines.

Una nang nagsagawa ng simulation exercises ang PGH bilang bahagi ng paghahanda nito para sa pagbabakuna ng frontliners gayundin ang malawakang vaccination roll out sa buong bansa.

Sinabi ni PGH Spokesperson Dr. Jonas Del Rosario na nagsasagawa na rin sila ng pag-aaral at patuloy ang mga dry run sa inoculation program kung saan 5,000 health workers na ang nakapagtala.

Kabilang sa apat na hakbangin ng adopted process ng simulations para sa pagbabakuna ang registration ng mga indibidwal na nais mabakunahan at kailangang mag-sign up sa kanilang programa.

Ikalawa ang screening process, counseling at pag-check sa kasalukuyang health status ng recipient tulad ng vital signs, blood pressure at body temperature.

Ikatlong hakbangin ang pagbabakuna na sa isang indibidwal kung saan ihahanda na ng pharmacists ang vials bago ito ibigay sa vaccinators na magpa-facilitate nang pagbabakuna at huling step ay pagmonitor sa recipient sa loob ng 30-minuto hanggang isang oras para makita kung may adverse effect ang bakuna.

Bukas ang Department of Trade and Industry (DTI) na ipagpaliban ang pagbubukas ng mga sinehan sa loob ng dalawang linggo sa mga lugar sa ilalim ng general community quarantine (GCQ) tulad ng Metro Manila.

Ito ang tugon ni Trade Secretary Ramon Lopez bilang tugon sa apela ng mga alkalde sa Metro Manila, bagamat ang magpapasya aniya sa usaping ito ay ang Inter-Agency Task Force.

Sinabi ni Lopez na iginagalang nila ang desisyon ng Metro mayors lalo na’t nais ng mga itong maging maingat at obserbahan pa ng ilang linggo ang magiging takbo ng coronavirus disease 2019 (COVID-19) cases.

Gayunman, binigyang diin ni Lopez na makatutulong ang pagbubukas ng mga sinehan para mapalakas ang ekonomiya ng bansa kasunod na rin nang pagbaba ng kaso ng COVID-19 noong 2020 dahil sa pagpapatupad ng quarantine upang maiwasan ang pagkalat ng virus.

Tagumpay aniya ang calibrated at ligtas na pagbubukas ng mas maraming sektor dahil bumababa ang kaso ng COVID-19 kung saan ang momentum ay dapat maipagpatuloy para makapagbigay ng mas maraming trabaho sa mga Pilipino.

Tinatayang 1.4 na milyon ang madadagdag sa populasyon ng bansa ngayong taon.

Ayon ito kay Juan Antonio Perez III executive director ng Commission on Population and Development (POPCOM) at 10% rito ay teenager.

Taun-taon dumadagdag ang populasyon natin, ngayong taon madadagdagan tayo ng 1.4 million atleast, pwedeng mas mataas pa doon baka mas maraming magbuntis pa this year kaysa mga nakaraang taon pero yung mga bilang na ‘yon 1.4 million o higit pa, atleast 10% ay magiging adolescent o mga teenager, 3 sa 10 magbubuntis ay teenager,” ani Perez.

Sinabi sa DWIZ ni Perez na maraming factors ang pinag-uugatan sa maagang pagbubuntis ng mga kabataan at pangunahin dito ang malaking pagbabago sa behaviour ng mga ito kung saan isa sa kada tatlo sa 15 hanggang 19 anyos ay sangkot na sa premarital sex.

Makikita nila na 1 out of 3 na 15 to 19 years old ay nag-e-engage na sa premarital sex at nakita nila yung engagement sa premarital sex na dati ay batang lalaki lamang ngayon pati batang kababaihan, mga kabataan ay nag-engage na din in premarital sex. Sumasabay dito yung pagkakaroon ng cellphone, paglawak ng social media, yung behavior na dumadami yung umiinom, naninigarilyo, yung mga behavior na tinatawag naming risky,” ani Perez.