Binigyang-diin ni House trial spokesperson at Kabataan Partylist Rep. Renee Co ang kahalagahan na masimulan ang presentasyon ng lahat ng ebidensya laban kay Vice President Sara Duterte.
Ayon kay Co, ito ang araw para sa pagbibigay ng atensyon, pagtatanong, pagtukoy sa katotohanan, at makita kung paano gumagana ang Konstitusyon at partisipasyon sa proseso.
Iginiit ni Co na ang impeachment ay hindi political show kundi isang constitutional mechanism para sa pananagutan at due process.
Anya, matagal nang naghihintay ng kasagutan ang taumbayan at gutom na ang mga Pilipino sa pananagutan.
Iginiit ni Co na karapatan ng publiko na marinig nang tama ang mga ebidensya at maunawaan ang mga kaganapan sa paglilitis.
Hinihikayat ng Co ang publiko na makiisa at tutukan ang impeachment proceedings nang bukas ang isipan at ibasura ang lahat ng mga maling impormasyon.
