Hawak na ng mga otoridad ang tatlong suspek sa pananambang kay dating Pangasinan Governor Amado Espino, Jr. noong 2019 na ikinasawi ng kanyang security escort.
Ang mga suspek na sina Albert Palisoc, Armando Friaz Jr. at Benjie Resultan pawang residente ng Urbiztondo, Pangasinan ay nadakip sa isinagawang pagsalakay sa bahay na pinagtataguan ng mga ito sa Batangas sa bisa ng arrest warrant.
Nakakulong na sa Basista police station ang mga suspek na pinaniniwalang mga miyembro ng isang criminal group.
Magugunitang September 2019 nang tambangan ang sasakyan ni Espino at mga kasama niya sa barangay Magtaking sa San Carlos City.
