Judith Estrada-Larino

Dalawang babaeng patungong United Arab Emirates (UAE) ang pinigil ng mga otoridad sa Clark International Airport.

Ayon kay Immigration Commissioner Jaime Morente, peke ang kontrata at mga dokumentong ipinakita ng dalawang Pinoy workers dahil hindi na-verify ng Philippine Overseas Labor Office (POLO) sa Dubai.

Inamin aniya ng mga babaeng Overseas Filipino Worker (OFW) na natanggap niya ang kanilang kontrata mula sa isang agent via online, isang araw bago sila nakatakdang mag biyahe.

Ang ganito aniyang paraan ay ginagamit din para ilegal na ilabas ang mga kababaihang Pinoy workers sa third world na bansa tulad ng Syria.

Una nang nakita ng inspection officers ang pagkakaiba sa mga dokumentong iprinisinta ng mga OFW kaya’t ipina-verify ang mga ito sa BI travel control enforcement unit sa Philippine Overseas Employment Administration (POEA) administration labor assistance center officer on duty sa Clark Airport at ma-check hindi verified ng POLO sa Dubai.

Uubrang i-rebook ng mga turista mula sa Metro Manila at apat na kalapit lalawigan, ng walang dagdag na bayad, ang mga nakaplano nang bakasyon ngayong Mahal na Araw.

Ayon ito kay Tourism Secretary Bernadette Romulo-Puyat matapos aniya niyang makausap ang mga airline, gayundin ang hotel and restaurant associations.

Sinabi rin ni Puyat na pinapayagan ang staycation na may age restrictions sa Metro Manila, Bulacan, Cavite, Laguna at Rizal.

Nakakalungkot aniyang pabuwelo na ang ekonomiya lalo’t magma-Mahal na Araw at marami ang aalis pero patuloy ang pagsirit ng kaso ng coronavirus disease 2019 (COVID-19) kaya’t mabuting pagbigyan na rin lamang ang mga doktor at health experts sa hinihiling na time out.

Nagbiro ang Pangulong Duterte sa pag-ubo nito habang nasa kalagitnaan ng kanyang talumpati sa dinaluhang aktibidad sa Tacloban City.

Ang Pangulo ang nagsilbing panauhing pandangal sa joint meeting ng  National Task Force Ending Local Communist Armed Conflict (NTF- ELCAC).

Humingi ng paumanhin ang Pangulo sa kanyang pag-ubo at pabirong sinabi na para aniyang may kanser na siya sabay turo sa kanyang leeg.

I do not know but ang pag-ubo ko progressive baka cancer na ang p*******a nakarma na doon sa—,″wika ng Pangulong Duterte

Magsasanib puwersa ang DOH at World Health Organization para imbestigahan ang P.3 coronavirus variant na una na detect sa Pilipinas.

Ayon kay Dr. Alethea De Guzman, director ng DOH Epidemiology Bureau  magpupulong ang mga opisyal ng DOH at WHO sa mga susunod na linggo para magpalitan ng mga impormasyon hinggil sa P.3 variant.

Ang nasabing variant ay nakaabot na sa England matapos itong ma-detect sa dalawang indibidwal.

Sinabi ni De Guzman, na regular na nakikipag-ugnayan ang DOH sa mga counterpart nito sa ibang bansa para mag bahagi ng mga impormasyon sa mga nasabing kaso.

Handa ang Department of Justice na pa-imbestigahan sa NBI ang nabunyag na ‘tongpats’ system sa pork importation.

Ito ayon kay Justice Secretary Menardo Guevarra ay kailangan lamang nilang makakuha ng mga impormasyon hinggil sa sinasabing tongpats o kickback sa pag import ng karne.

Sinabi ni Guevarra na kaagad niyang ipasisilip sa NBI at maging sa task force against corruption ang kontrobersya kapag nakakita siya ng sapat na basehan para gawin ito.

Nanganganib pang sumipa ng hanggang 28 beses ang bilang ng mga bagong kaso ng COVID-19 sa Pilipinas sa susunod na buwan.

Ito ayon sa Department of Health (DOH) ay kung dadami pa ang tatamaan ng variants of concern ng Sars-Cov 2 matapos mapaulat ang dagdag na kaso nito nitong nakalipas na weekend.

Sinabi ni Dr. Alethea De Guzman, OIC ng DOH epidemiology division na 177 ang tinamaan ng B.1.1.7 variant na unng nadiskubre sa United Kingdom, 90 naman ang infected ng B.1.351 variant mula South Africa at isa ang may p.1 variant na mula sa Brazil.

Lumalabas sa mga pag aaral na naging mas nakakahawa ang Sars-Cov 2 virus matpaos mag mutate o magbago ng anyo at ito ay nakita sa tatlong variants of concern.

Sa ngayon ay nasa 4, 160 samples na ang naisailalim ng Pilipinas sa whole genome sequencing subalit wala pa sa pitong porsyento ang katumbas ng mga kaso ng variants of concern.

Ipinabatid ng DOH na limang rehiyon na ang may kaso ng B.1.1.7 variant na kinabibilangan ng Cordillera, Central Luzon, CALABARZON, National Capital Region at Northern Mindanao.

Wala pang dalawang porsyento ang mga nakaranas ng seryosong adverse o side effects matapos mabakunahan kontra COVID-19.

Ayon ito kay Dr. Lulu Bravo, Chairperson ng National Adverse Events Following Immunization Committee (NAEFIC) kung saan kabilang sa nai-report sa kanilang side effects ay allergic reaction at alta presyon bagamat karaniwan ding side effects ang pagkahilo, pagsusuka, pagkahimatay, anxiety, sakit ng ulo at tiyan at pagdudumi.

Tiniyak ni Bravo ang patuloy na imbestigasyon ng komite sa mga kaso para matukoy kung dahil nga sa bakuna ang mga naranasang side effects bagama,t sa ngayon aniya ay walang ebidensya para mangamba ang publiko sa mga naturang kaso ng AEFI o adverse events following immunization.

Ikinukunsider aniyang seryoso ang AEFI kung ang pasyente ay ng agaw buhay at kinailangang ma admit sa ospital matapos mabakunahan o kaya naman ay nagkaruon ng disability o kapansanan.

Manageable pa rin ang sitwasyon sa Kamara sa kabila nang paglobo ng kaso ng COVID-19 sa bansa.

Binigyang diin ito ni House Secretary General Mark Llandro Mendoza kayat walang pangangailangang i-lockdown ang mbabang kapulungan kung saan mahigpit aniya ang ipinatutupad nilng health safety measures kabilang ang no negative antigen results, no entry sa papasok sa Kamara.

Sinabi ni Mendoza na nabanggit na rin ni House Speaker Lord Allan Velasco at ilan pang opisyal ng kamara na hindi na kailangang lockdown lalot dalawang linggo na lamang ay magle lenten break na.

Tatapusin aniya ng mga kongresista ang pagtalakay sa mga mahahalagang panukala bago mag bakasyon ngayong holy week lalo pat 30% lamang ng workforce rito ang naka physical duty bilang pagtalima na rin sa direktiba ng Quezon City goverment.

Ipinabatid ni Mendoza na 29 na COVID-19 cases ang naitala sa Kamara o dalawa o tatlong porsyento lamang ng populasyon ng lower chamber bukod pa ito sa pagiging positibo sa virus nina Congressmen Jocelyn Limkaichong at Mike Defensor.

Walong puntos ang itinaas sa global ranking ng fixed broadband average speed ng Pilipinas.

Base ito sa pinakahuling Ookla speed-test global index report kung saan ang nasabing ranking ang pinakamataas na monthly improvement sa average speed ng internet sa Pilipinas mula nang mapuwesto ang Pangulong Rodrigo Duterte.

Ipinabatid ng Ookla na nakapagtala ng 5.73 mbps increase mula sa dating 32.73 mbps nuong enero at naging 38. 46 mbps nuong isang buwan o katumbas ng monthly increase na 17.51% at 386. 22%  increase sa download speed ng bansa na 7.91 mbps nuong Hulyo 2016.

Tumaas din ang  over all performance ng mobile network sa bansa at umangat ng tatlong puntos sa global ranking.

Sa isandaan at apat napung bansa ang Philippine mobile speed ay nasa ika-86 na puwesto nuong Enero kumpara sa pagiging 111st nuong Enero 2020 kung saan nahigitan ng Pilipinas sa ranking ang Russia, Malaysia at Indonesia.

Sa Asya ang Pilipinas ay nasa ika-24  na puwesto sa internet speed sa fixed broadband at pang-25 naman sa mobile.

Ang pagbuti ng internet speed sa bansa ay kasunod na rin ng direktiba ng Pangulong Rodrigo Duterte nuong Hulyo 2020 na pabilisin ang proseso ng local government unit permits para sa pagtatayo ng cellular towers.