Judith Estrada-Larino

Delikado pang ibalik ang face-to-face classes.

Reaksyon ito ni Benjo Basas, chairman ng Teachers Dignity Coalition sa gitna na rin nang isinusulong na pagbabalik ng pisikal sa paaralan ng mga estudyante.

Sinabi sa DWIZ ni Basas na dapat ay unti-unting paghandaan ang pagbabalik ng face-to-face classes dahil mahirap namang isasara ang eskuwelahan sa tuwing magkakaruon ng mataas na kaso ng COVID-19 sa isang lugar.

Dapat ding mabakunahan na ang mga mag a aral para mayruong panlaban ang mga ito sa COVID-19.

Idinipensa ni dating Congressman Monico Puentevella si Senador Manny Pacquiao sa mga batikos dito ng isang paksyon ng PDP-Laban.

Sinabi ni Puentevella na umaapela mismo ng ceasefire si Pacquiao na dapat munang hayaan sa kanyang training at pakikipag-bakbakan kay Errol Spence.

Sasagutin naman aniya ni Pacquiao ang lahat ng mga ibinabato sa kanya pagkatapos ng kanyang laban.

Iginiit ni Puentevella na hindi tamang masyadong tapakan ang pambansang kamao dahil bandila ng Pilipinas ang dala nito sa pakikipaglaban kay Spence.

Isu-subpoena ng NBI ang walong ospital na nagpe-presyo ng mataas sa mga gamot ng COVID-19 patients.

Ayon kay nbi special action unit executive officer Kristine Dela Cruz ilang pasyente na ang nagsumbong sa kanila kaugnay sa pagcha-charge ng P14,000 hanggang P15,000 sa kada vial ng remdesivir bukod pa sa paghingi ng malaking halaga ng deposit bago umano gamutin ang isang pasyente.

Ipinabatid ni Dela Cruz na nasa P1,500 hanggang P8,200 ang halaga ng kada gamot tulad ng remdesivir batay sa emergency essential medicines due to covid health event na ipinalabas ng DOH.

Hindi naman tinukoy ni Dela Cruz kung anu-anong mga ospital ito ang maaaring makasuhan maging ng paglabag sa anti hospital deposit law.

Kinuwestyon ni San Juan City Mayor Francis Zamora ang data ng DOH hinggil sa kaso ng COVID-19.

Kasunod na rin ito nang pagkontra ni Zamora sa report ng DOH na nagsasabing kabilang ang San Juan sa walong lungsod sa Metro Manila na sumisirit ang kaso ng COVID-19 sa nakalipas na dalawang linggo.

Sinabi ni Zamora na nagkakaruon ng discrepancy dahil hindi nabe-verify ng maayos ang mga data na inilalabas ng covid kaya reporting system ng DOH.

Kailangan aniyang ayusin ng DOH ang kanilang data at makipag-ugnayan sa local government units na kumu-kuwestyon sa data ng ahensya.

Binigyang diin ni Zamora na mayruon lamang 75 new cases ng COVID-19 ang San Juan kahapon, Miyerkules  subalit mas mataas pa ang bilang sa record ng DOH.

Umalma ang Foreign Correspondents Association of the Philippines (FOCAP) sa anito’y ginawang pagtrato ni Presidential Spokesman Harry Roque sa reporter  ng BBC.

Ang tinututukoy ng FOCAP ay ang anila’y pagiging arogante at kawalang respeto ni Roque kay BBC journalist Virma Rivera na sinabihan nitong tawagan siya para mapag-usapan nila ang report nito hinggil sa mga mangingisdang Pinoy na pinigilan ng mga barko ng China na makapangisda sa Scarborough Shoal.

Sinabi ng FOCAP na simple lamang naman ang tanong ni rivera o paghingi nito ng komento sa una nang pahayag ng palasyo na nagsinungaling ang Pinoy fishermen nang sabihing wala silang access sa nasabing katubigan.

Pangmamaliit anito ang dating ni Roque habang itinatanggi ang BBC report at ipinahihiwatig ang masamang motibo ng network kasabay ang pagbatikos kay Rivera.

Binigyang diin ng FOCAP na ginagawa lamang ng mga journalist ang kanilang trabaho gayundin ang BBC na ini-report lamang ang nakita nila at inilabas ang istorya base sa pagkaka kuwento sa kanila.

Binalaan ng BFAR ang publiko kaugnay sa pagbili at pagkain ng mga lamang dagat na apektado ng red tide.

Kabilang dito ayon sa BFAR ang mga lamang dagat mula sa sorsogon bay sa sorsogon, matarinao bay sa Eastern Samar, Lianga Bay sa Surigao Del Sur, Balite Bay sa Mati City, Davao Oriental, Dumanguillas Bay sa Zamboanga Del Sur, Murcielagos Bay sa Zamboanga Del Norte, Karagatan ng Dauis at Tagbilaran City sa Bohol at karagatan ng Milagros, Masbate.

Nilinaw ng BFAR na hindi naman apektado ang iba pang lamang dagat tulad ng pusit, hipon at alimango bastat nahugasang mabuti bago lutuin.

Pursigido ang gobyerno na magtayo ng tulad ng Centers for Disease Control and Prevention (CDC) ng Amerika bilang bahagi ng long term project sa paglaban sa mga sakit na maaari pang umusbong.

Ipinabatid ni Vaccine Czar Carlito Galvez, Jr., Nnational Task Force against COVID-19 chief implementer na puspusan ang pagsisikap nilang makapagisa ang kakayahan ng UP-NIH, Analysis Center at Research Institute for Tropical Medicine.

Hindi pa matantya ni Galvez kung kailan magiging operational ang nasabing mala-CDC na bahagi ng direktiba ng Pangulong Rodrigo Duterte.

Una nang naglaan ng reward ang pangulo paran sa makakagawa ng bakuna kontra COVID-19 subalit bigo umano ang local scientist dahil sa kakapusan ng mga pasilidad na pu-puwedeng gamitin para sa resarch and development.

May agam-agam pa umano ang ilang Filipino-Americans sa pagpapabakuna.

Sa kabila ito ng report ng Florida Department of Health hinggil sa 23,000 cases ng COVID-19 o pagtaas ng 8,000 sa mga nakalipas na Linggo.

Ayon sa mga otoridad bumaba ang bilang ng mga nagpapa bakuna sa nakalipas na 10 linggo at nasa 55%  lamang ng populasyon ang nakatanggap ng first dose ng COVID-19 vaccine.

Katuwiran ng ilang Fil-Am maaaring maka apekto sa  natural defense ng kanilang katawan ang COVID-19 vaccine samantalang duda ang iba sa anila’y maikling panahong ginugol sa pag aaral sa epekto ng mga naturang bakuna.

Binigyang diin naman ng isang Fil-Am na miyembro ng facebook group na florida pinoy na mayruon namang dalawang pagpipilian  – immunity mula sa infection na may posibilidad na ma infect muli at long term immunity sa pamamagitan nang pagbabakuna.