Makakabiyahe na ang may100 hanggang 200 OFW kada araw pa Israel.
Ayon ito kay OWWA Administrator Hans Cacdac matapos alisin ni Labor Secretary Silvestre Bello III ang deployment ban sa Israel.
Unti unti na aniyang humuhupa ang sitwasyon sa Israel partikular sa Tel Aviv area kaya’t uubra nang makapagpadala muli ng OFW sa nasabing bansa.
Dapat na magtayo na lamang ng sariling political party si Energy Secretary Alfonso Cusi sa halip na sirain ang PDP-Laban sa paggigiit sa presidential bid ng isang “outsider”.
Binigyang diin ito ni Senador Aquilino ‘Koko’ Pimentel III matapos ding ihayag na wala sanang problema kung naging tapat lamang an grupo ni Cusi sa intensyon nilang suportahan ang isang kandidato sa labas ng kanilang partido.
Bagamat hindi pinalanganan si Davao City Mayor Sara Duterte-Carpio ang tinutukoy ni Pimentel na isinusulong ng grupo ni Cusi para isabong ng ruling party sa 2022 presidential elections.
Gayunman sinabi ni Pimentel na kung hindi maayos ang gusot sa partido mas mabuting maghiwa hiwalay na lamang sila subalit manatiling magkakaibigan, magkita-kita sa polling precincts at manalo ang kandidatong karapat-dapat.
Si Pimentel ay executive vice president ng PDP-Laban kung saan kabilang sa founders ang amang si yumaong dating Senate President Aquilino ‘Nene’ Pimentel, Jr.
Muling na ospital si Cebu City Mayor Edgardo Labella dahil sa matinding pag-ubo.
Kinumpirma ni City Administrator Floro Casas ang kondisyon ng alkalde matapos mag file ng medical leave si Abella hanggang bukas, Biyernes.
Magugunitang september 2020 ay nag sick leave rin si Abella dahil sa gallbladder surgery at nag work from home nitong nakalipas na Pebrero dahil naman sa ear infection bago na ospital nuong mayo dahil sa pneumonia.
Dahil sa medical leave ni Abella si Cebu City Vice Mayor Michael Rama ang nagsisilbing acting mayor.
Sumaklolo ang netizens sa isang babaeng food delivery rider matapos mapanuod ang video nitong nakaupo sa sidewalk habang umiiyak at yakap ang bag kung saan naruon ang pagkaing ide-deliver sana nito.
Ito ay matapos malaman ni Zania Rose Barboza na ninakaw ang kanyang bisikleta na ginagamit niya sa pagde-deliver ng pagkain.
Ninakaw ang bisikleta ni Barbosa habang naka-parada ito sa labas ng isang restaurant sa kahabaan ng Gil Puyat Avenue sa Makati City dahilan kaayat kaagad siyang nagpatulong sa barangay officials ng Barangay San Isidro na nakakita sa isang indibidwal na gumagamit ng kanyang bisikleta.
Sinabi ni Barboza na hindi niya alam ang gagawin kaya’t napaupo na lamang siya at umiyak na napansin ng isang indibidwal kaya’t kinunan siya ng video na nag-viral naman.
Kabilang sa mga nakapanuod ng viral video ang may-ari ng isang bicycle shop na si Matthew Rey Matias na nagbigay ng bagong bisikleta kay Barboza na nagpasalamat dahil makakapag hanapbuhay pa rin siya para sa kanyang pamilya.
Nagpasaklolo na ang pamilya ng 19 anyos na nasawing kadete ng Philippine Merchant Marine Academy (PMMA) na si Jonash Bondoc.
Ayon kay Glaiza Bondoc, kapatid ng biktima naniniwala ang pamilya nilang may malalim pang dahilan sa pagkamatay ng kapatid niya o higit pa sa pag-amin ng suspek dito at kung anuman ang lumabas sa imbestigasyon ng mga otoridad.
Bukod sa NBI hiniling din ng pamilya Bondoc sa CHED na magsagawa ng independent investigation sa tunay na dahilan nang pagkasawi ni Jonash.
Ang labi ni Jonash ay cremated at inilibing sa isang pribadong sementeryo nuong Martes.
Samantala ang suspek na si Midshipman Cadet Second Class Jomel Gloria na una nang umamin sa pagsuntok ng dalawang beses sa dibdib ni Jonash ay sinasabing nakalaya pansamantala matapos mag piyansa.
Halos 12% lamang ng intelligence fund ang nagamit ng PNP.
Ayon ito sa Commission on Audit na nagsabing batay sa kanilang report nasa mahigit P86 million lamang mula sa P722. 95 million ang nagamit ng PNP na share nito bilang miyembro ng National Task Force to End Local Communist Armed Conflict nuong 2020.
Ipinabatid ng COA na sa halos P723 million na ipinalabas sa PNP, 33% lamang o nasa halos P241 million ang nai-commit sa national headquarters at regional offices nito kaya’t mayruong pang halos P483 million na tinaguriang unobligated balance.
Mula naman sa nagamit na mahigit P86 million halos 36% ang nagamit para sa pagbili ng mga pangangailangan ng PNP.
Hindi naman nasabi sa report ng COA kung bakit ang malaking bahagi ng 2020 NTF-ELCAC funding para sa PNP ay unobligated at ang mas malaki pang bahagi ng allocated funds ay hindi nagastos.
Hindi nangangamba ang kampo ni Vice President Leni Robredo kahit nasa ka anim na puwesto sa presidential survey ng Pulse Asia.
Ayon ito kay Atty. Barry Gutierrez, spokesperson ni Robredo dahil sa katunayan ay katanggap tanggap ang ratings ng bise presidente lalo nat naka focus ito sa COVID-19 response at hindi namumulitika o pumu-posisyon sa 2022 national elections.
Gayunman binigyang diin ni Gutierrez na tiwala silang papalo si Robredo at maganda ang magiging resulta kapag nagpasya itong tumakbo bilang pangulo ng bansa.
Kasabay nito binatikos ni Gutierrez ang mga kandidatong bumabandera ang litrato sa mga malalaking tarpaulin at billboard sa gitna na rin nang patuloy na pagtangging tatakbo sila sa 2022.
Matagal nang dapat umalma ang Pilipinas sa pagbalewala ng China sa arbitral win ng bansa hinggil sa West Philippine Sea.
Binigyang diin ito ni Senador Risa Hontiveros matapos igiit sa Malakaniyang na kundenahn ang pahayag ng China na piece of waste paper o basura lang ang arbitral ruling.
Sinabi ni Hontiveros na nakakabahala ang pag-trato ng China sa naturang ruling na kapareho rin nang pag-trato ng Pangulong Rodrigo Duterte.
Iginiit ni Hontiveros na dapat sumunod ang China sa arbitral ruling na aniya’y tinanggap ng buong mundo —ulat mula kay Cely Ortega-Bueno (Patrol 19)
Pag-aaralan ni Senate Health Commitee Chair Christopher Bong Go ang posibleng pagpapalawak sa sakop ng One Hospital Command Center.
Ito ayon kay go ay para mas mapabilis pa ang pagtugon sa mga nangangailangang medikal partikular ng mga tinamaan ng COVID-19.
Sinabi ni Go na mas mabuting mapalawak ang sakop ng one hospital command center para masilbing national patient navigation and referral center.
Ipinabatid ni Go na gamit ang makabagong teknolohiya hindi na kailangang mag ikot ang mga pasyente ng COVID-19 o mga pinaghihinalaan pa lamang dahil mayruon nang tatawagang call center para sa referral.
Pinasalamatan naman ni go ang PICC na pumayag na maging command center ang isa sa mga hall nito. —ulat mula kay Cely Ortega-Bueno (Patrro 19)
Nananatiling nasa krisis ang edukasyon sa bansa.
Ito ayon kay Senador Sherwin Gatchalian ay bagamat nag-sorry na ang World Bank sa ipinalabas nitong report na nagsasabing mahina ang performance ng mga estudyanteng Pilipino.
Sinabi ni Gatchalian, chairman ng senate basic education committee na maraming rekomendasyon mula sa report ng World Bank na maaaring gamitin para makahanap ng solusyon paano mapahusay pa ang pag aaral ng mga estudyante sa bansa.
Personal aniya niyang nabasa ang report ng World Bank at tanggap nya ang kanilang impartial analysis na kailangang pagtuunan ng pansin ang education system.
Inihayag ni Gatchalian na kailangang masolusyunan ang problema sa edukasyon at marami aniyang isinulong ang kanyang komite kung paano mapapahusay ang sistema ng edukasyon sa bansa partikular ang kalidad ng pagtuturo ng mga guro. —ulat mula kay Cely Ortega-Bueno (Patrro 19)