Author

Gilbert Perdez

Halos 1,000 bahay nilamon ng wildfire sa Colorado

Halos 1,000 bahay ang napinsala habang tatlong indibidwal ang nawawala o missing matapos sumiklab ang wildfire sa estado ng Colorado sa Amerika.

Ayon kay Boulder County Sheriff Joe Pelle, maliban sa mga nawawala, napinsalang mga ari-arian at mga puno ay napilitan ding lumikas sa mas ligtas na lugar ang libu-libong mga residente.

Bukod naman sa mga nawawala, pinangangambahan na maraming mamamayan ang nasawi sa trahedya.

Nabatid na ito na ang sinasabing pinaka-mapaminsalang wildfire sa kasaysayan ng Colorado.

January 2, 2022 0 comment

HEADLINES SPORTS

Nets bigo sa Clippers

written by Gilbert Perdez

Bigo sa kamay ng Los Angeles Clippers ang Brooklyn Nets matapos itong padapain sa score na 120-116.

Si Eric Bledsoe ang nanguna sa Clippers sa pamamagitan ng kanyang 27 points.

Sa isa pang laro, inilampaso naman ng Milwaukee Bucks ang New Orleans Pelicans sa score na 136-113.

January 2, 2022 0 comment

HEADLINES NATIONAL NEWS

SRA allocation ngayong taon pinuri ng grupo ng mga nurse

written by Gilbert Perdez

Welcome development para sa Philippine Nurses Association (PNA) ang paglalaan ng gobyerno ng limampung bilyong piso (P50 billion) para sa special risk allowance o SRA ng mga medical frontliners.

Ayon kay PNA President Melbert Reyes, makikinabang sa SRA allotment ang tinatayang isang milyong health workers sa mga pampubliko at pribadong ospital sa bansa.

Matatandaang nilagdaan ni Pangulong Rodrigo Duterte noong Disyembre 30 ang 2022 national budget kung saan nakapaloob dito ang mga benepisyo para sa mga medical frontliners, kabilang ang mga nurse.

January 2, 2022 0 comment

HEADLINES NATIONAL NEWS

PNP handa na sa implementasyon ng alert level 3 sa NCR

written by Gilbert Perdez

Handa na ang Philippine National Police (PNP) sa pagpapatupad ng mas mahigpit na health protocols laban sa coronavirus disease 2019 (COVID-19) sa Metro Manila.

Ito’y matapos itaas ng Inter-Agency Task Force (IATF) sa Alert Level 3 ang restrictions na aarangkada simula bukas, Enero 3 hanggang 15 bunsod ng pagsirit ng bilang ng mga impeksiyon sa bansa.

Ayon kay PNP chief Gen. Dionardo Carlos, makikipag-ugnayan sila sa IATF at maging sa mga lokal na pamahalaan para sa mas epektibong implementasyon ng alert level system.

January 2, 2022 0 comment

HEADLINES INTERNATIONAL NEWS

3 nuclear plants sa Germany, ipinasara

written by Gilbert Perdez

Ipinasara na ng Germany ang tatlo sa anim nitong nuclear plants.

Ang pag-phase out sa nuclear power at paglipat sa renewable energy ay unang sinimulan sa pamumuno ni dating Chancellor Gerhard Schroeder noong 2002.

Ngunit ang desisyon na i-extend ang operasyon ng mga planta ay binaliktad ng bagong chancellor na si Angela Merker matapos ang 2011 Fukushima disaster sa Japan kung saan ngayong 2022 ang itinakdang final deadline sa pagsasara ng mga ito.

Unang binuksan ang tatlong reactors sa Germany noong 1980s kung saan dito umasa ng power supply ang milyun-milyong German households sa loob ng halos 40 taon.

January 2, 2022 0 comment

ENTERTAINMENT HEADLINES

Gretchen Barreto dinipensahan ang business partner laban sa ‘fake news’

written by Gilbert Perdez

Agad na ipinagtanggol ng aktres na si Gretchen Barretto ang isa sa kanyang mga business partners laban sa kumakalat na paninira at ‘fake news’ sa social media laban sa negosyante.

Sa isang interview, iginiit ni Gretchen na hindi nakikialam sa pulitika si Pitmaster chairman Charlie “Atong” Ang.

Sinabi ng aktres na ‘fake news’ ang ipinakakalat ng mga business rivals kung saan pinalitaw ng mga ito ang umano’y siniraan ni Ang si presidential aspirant Bongbong Marcos.

Iginiit naman ni Pitmaster Executive Director Atty. Caroline Cruz na alam naman nila na malaki ang mawawala sa isang negosyo o negosyante kapag may kinampihan itong pulitiko o anumang uri ng pamumulitika.

January 2, 2022 0 comment

HEADLINES RONDA PROBINSYA

Active COVID cases sa Valenzuela at Navotas, tumaas

written by Gilbert Perdez

Sumirit na sa mahigit dalawang daan ang bilang ng mga aktibong kaso ng COVID-19 sa Valenzuela at Navotas.

Ayon sa Valenzuela City government, nasa 238 na ang active cases sa kanilang lungsod matapos madagdagan ng walumpung bagong kumpirmadong kaso.

Sa Navotas, nagkaroon naman ng 99 new cases kung kaya’t sumampa na sa 220 ang mga aktibong kaso sa lungsod.

Samantala, ipinasara naman ng Pateros LGU ang lahat ng mga basketball courts sa kanilang lugar makaraang umakyat sa tatlumpu’t walo (38) ang active cases sa naturang bayan.

January 2, 2022 0 comment

HEADLINES RONDA PROBINSYA

Dating alkalde sa Pangasinan, itinumba

written by Gilbert Perdez

Patay ang isang dating alkalde sa bayan ng Anda sa Pangasinan matapos pagbabarilin ng dati umano nitong bodyguard sa Barangay Namagbagan.

Kinilala ang biktima na si Aldrin Cerdan, limampung taong gulang, at nakatira sa nasabing lugar.

Batay sa inisyal na imbestigasyon, nagpapahinga sa kanyang farm si Cerdan nang dumating ang suspek na si William Cagampan at pinagbabaril ang biktima.

Agad namang naaresto ang suspek na ngayo’y nahaharap sa kaukulang kaso.

January 2, 2022 0 comment

HEADLINES NATIONAL NEWS

Task force na tututok sa fiscal slay, binuo

written by Gilbert Perdez

Bumuo na ng special investigation task force ang Phil. National Police (PNP) na siyang tututok sa kasong pagpatay kay Trece Martires City Assistant Prosecutor Edilbert Mendoza.

Ayon kay Calabarzon police director Brig. Gen. Eliseo Cruz, pangungunahan nina regional deputy director for operations Col. Gerardo Umayao at chief of the regional staff Col. Edwin Quilates ang imbestigasyon sa tulong ng PNP-Criminal Investigation and Detection Group at intelligence unit, kasama sina Col. Noel Nuñez at Cavite police chief Col. Arnold Abad.

Sa imbestigasyon, nag-eehersisyo si Mendoza sa labas ng kanilang bahay sa Barangay Cabuco sa Trece Martires nang barilin sa ulo nang malapitan ng gunman bago mabilis na tumakas.

Isiniwalat ni Abad na kabilang sa mga tinututukan nilang motibo o anggulo sa pagpatay ay ang trabaho ni Mendoza bilang piskal, land dispute, at personal grudge o alitan.

January 2, 2022 0 comment

HEADLINES NATIONAL NEWS

Muling pagpayag ng pamahalaan sa open-pit mining, pinuri ng indigeneous communities

written by Gilbert Perdez

Ikinatuwa ng mga indigenous communities at maging ng mga lider ng business at labor sectors ang ginawang pagtanggal ng gobyerno sa apat na taong open-pit mining ban sa bansa.

Ayon kay tribal leader Bai Dalena Samling, dahil sa desisyon ng Department of Environment and Natural Resources (DENR) ay parang dininig ang matagal nang dasal ng Blaan community at T’boli people sa Tampakan, South Cotabato.

Ang bayan ng Tampakan ay sinasabing sagana sa copper deposits.

Matatandaang naglabas ng administrative order si DENR Secretary Roy Cimatu noong Disyembre 23 kung saan tuluyan nitong inalis ang open-pit mining ban na ipinatupad noong 2017 ng dating kalihim ng ahensya na si Gina Lopez.

January 2, 2022 0 comment

Newer Posts

Older Posts