Nangibabaw ang Philadelphia 76ers laban sa Boston Celtics sa score na 111-99 sa kanilang laro sa National Basketball Association (NBA).
Kumamada si Joel Embiid ng 30 points habang nagdagdag naman si Tyrese Maxey ng 23 points para sa Sixers.
Sa panig ng Celtics, tumipa naman si Jaylen Brown ng 21 points habang nag-ambag si Jayson Tatum ng 20 points.
Kinumpirma ng North Korea na naglunsad ito ng panibagong missile test mula sa isang tren.
Ginawa ng NoKor ang hakbang kasunod ng panibagong sanctions na ipinataw ng Estados Unidos laban sa kanilang bansa.
Sa ulat naman ng Korean Central News Agency (KCNA), ikinasa ang drill upang matukoy at makita ang husay ng action procedures ng kanilang missile.
Kasabay nito, inamin din ng North Korea na tumama ang pinakawalan nilang missiles sa karagatan.
Aabot sa 26 na indibidwal ang nadakip ng mga elemento ng Southern Police District (SPD) sa magkahiwalay na operasyon sa kanilang Areas Of Responsbility (AOR).
Sa Brgy. Alabang, Muntinlupa City, nahulihan si Jerome Mundo ng P6,800 ng hinihinalang shabu, maliban sa P200 buy-bust money.
Sa JP Rizal Extn. Barangay West Rembo sa Makati, arestado ang tatlong indibidwal matapos mahulihan ng higit P19K na halaga ng umano’y shabu at P500 na buy-bust money.
Dalawa naman ang nadakip sa Barangay Pamplona 3, Las Piñas matapos makuhanan ng 17K halaga ng hinihinalang shabu.
Sa Pasay naman, arestado ang 13 indibidwal at nasabat mula sa mga ito ang halos P5K halaga ng umano’y marijuana, dalawang glass tube, at tatlong bote ng alak.
Pito namang drug suspects ang nahuli sa Maricaban, Pasay pa rin, kung saan nasamsam mula sa mga ito ang higit P29K na halaga ng hinihinalang shabu, drug paraphernalia, P300 buy-bust money, pitaka, at dalawang lighter.
Timbog ang tatlong wanted persons sa magkahiwalay na operasyon sa Makati, Las Piñas at Pateros.
Unang nahuli ng Pateros Police ang construction worker na si Cornelio Olavario dahil sa kasong kriminal.
Sa Makati, nadakip naman ang driver na si Mark Anthony Burce na may kasong paglabag sa anti-carnapping act at may piyansang aabot sa P180K.
Sa Lupi, Camarines Sur naman ay nasakote ng Las Piñas Police ang magsasakang si Mario Rubio na may kasong qualified rape sa isang korte sa naturang lungsod.
Tinatayang mahigit P100K halaga ng hinihinalang shabu ang nakumpiska ng mga awtoridad sa ikinasang operasyon sa Barangay Palanan, Makati City.
Kinilala ang mga suspek na sina Donna Mae Garcia, 34 taong gulang, at Jomar Tarroja, 27 taong gulang.
Nasamsam mula sa kanila ang 16 gramo ng hinihinalang shabu na tinatayang nagkakahalaga ng P108,800, P500 buy-bust money, isang pakete ng sigarilyo, at pitaka.
Ihahain na ang kaukulang reklamo laban sa mga suspek.
Sa Lipa, Batangas na nadakip ng mga awtoridad ang isang construction worker na wanted sa bayan ng Pateros sa kasong paglabag sa anti-VAWC law o anti-violence against women and their children act.
Kinilala ang akusado na si John Dale Funelas, 22 taong gulang, at residente ng Brgy. Inuslaban sa Lipa.
Nakatanggap ng impormasyon ang pulisya na nagtatago si Funelas sa Lipa dahilan upang puntahan ito ng mga awtoridad at isinilbi ang warrant of arrest na inilabas ni Judge Joy Casihan Dumlao ng Pateros, RTC Branch 262.
Tatlong libong piso ang itinakdang piyansa ng korte laban kay Funelas na ngayo’y nakakulong na sa custodial facility ng Pateros PNP.
Huli ang isang lalaki na matagal nang tinutugis ng batas dahil sa pagkakasangkot sa pagnanakaw umano ng sasakyan kasunod ng operasyon sa BF Resort Village, Brgy. Talon Dos, Las Piñas City.
Ayon sa warrant at intelligence section ng Las Piñas PNP, nahuli ang akusadong si Antigracio Bulawin Jr. 45 taong gulang, sa bisa ng warrant of arrest.
Ang warrant laban kay Bulawin ay inilabas ni Judge Pia Cristina Bersamin-Embuscado ng Regional Trial Court, Branch 198, ng Las Piñas, para sa kasong paglabag sa New Anti-Carnapping Act of 2016.
Aabot naman sa tatlong daang libong piso ang inikomendang piyansa ng korte laban sa akusado.
Bumagsak sa kamay ng mga awtoridad ang isang wanted na lalaki dahil sa pagkakasangkot sa kasong rape sa Las Piñas City.
Kinilala ang akusado na si Rommel Madriaga, 41 taong gulang, top 4 most wanted person ng Las Piñas PNP.
Si Madriaga ay nasakote sa bisa ng warrant of arrest na ipinalabas ni Judge Mildred Jacinto-Marquez ng Las Piñas Regional Trial Court, Branch 2.
Walang inirekomendang piyansa ang korte para sa pansamantalang kalayaan ng akusado.
Nadakip ng mga awtoridad ang limang hinihinalang gunrunners sa ikinasang buy-bust operation sa Barangay San Antonio, Parañaque City.
Kinilala ang mga suspek na sina Joel Malangin, Charis Calingacion, Pricioso Malangin, Ricardo Casiquin, at Rommel Dichoso.
Ayon sa PNP-Criminal Investigation and Detection Group o PNP-CIDG, maliban tatlong libong pisong marked money, nasabat din mula sa mga ito ang isang .38-caliber revolver, dalawang bala, at limang sachets ng hinihinalang shabu.
Sasampahan ng mga kaukulang reklamo ang mga suspek.
Pumalo sa mahigit dalawang milyon ang bilang ng mga manggagawang apektado ng bagyong Odette.
Batay sa rapid assessment ng International Labor Organization (ILO), pinakamatinding tinamaan ay mula sa Western Visayas na umabot sa 672K workers o 21% ng labor force na sinundan ng Central Visayas na 643K at Caraga na nasa 363K.
Halos 40% naman o katumbas ng 839K ng mga affected workers ay pawang mga babae.
Sa Western Visayas, sinasabing karamihan sa mga apektadong manggagawa ay mula sa mga sektor ng agrikultura, kalakalan at transportasyon.