Author

Gilbert Perdez

DWIZ 882

PRRD, inindorso ang 17 na senatorial candidates sa darating na eleksyon

Nakuha ng 17 senatorial candidates ang endorsement ni Pangulong Rodrigo Duterte.

Sa kanyang talumpati sa PDP-Laban proclamation rally sa Cebu, binanggit ng Presidente na suportado niya ang mga sumusunod na kandidato:

*dating PACC chief Greco Belgica

*dating House Speaker Allan Peter Cayetano

*Sorsogon Gov. Chiz Escudero

*dating senator Jinggoy Estrada

*dating senator JV Ejercito

*dating senator Gringo Honasan

*broadcaster Rey Langit

*Deputy House Speaker Loren Legarda

*House Deputy Speaker Rodante Marcoleta

*actor Robin Padilla

*dating chief presidential legal counsel Salvador “Sal” Panelo

*dating Energy Undersecretary Astra Pimentel

*dating Palace Spokesperson Harry Roque

*dating defense secretary Gilbert Teodoro

*Senator Joel Villanueva

*dating DPWH Secretary Mark Villar

*Senator Miguel Zubiri

Sa mga nabanggit ng Pangulong Duterte, tanging sina Belgica, Langit, Marcoleta, Padilla, Panelo, at Pimentel ang nasa hanay ng PDP-Laban Cusi wing.

Sina Jinggoy Estrada, Honasan, Legarda, Roque, Teodoro, Villar, at Zubiri ay kasama naman sa UniTeam senatorial lineup.

April 2, 2022 0 comment

HEADLINES INTERNATIONAL NEWS

Sri Lanka, nagdeklara na ng State of Emergency bunsod ng kabi-kabilang protesta na nag-ugat ng lumalalang economic crisis sa bansa

written by Gilbert Perdez

Nagdeklara na ng State of Emergency ang Sri Lanka bunsod ng kaliwa’t kanang kilos-protesta na nag-ugat sa umano’y lumalalang economic crisis sa kanilang bansa.

Ginawa ang hakbang matapos lusubin ng daan-daang demonstrador ang tahanan ni Sri Lankan president Gotabaya Rajapaksa.

Ayon kay Rajapaksa, dahil sa deklarasyon ay puwede nang arestuhin ng militar at ikulong ang mga sangkot sa mga protesta nang hindi na daraan sa mahabang paglilitis o trial.

April 2, 2022 0 comment

HEADLINES SPORTS

Two-time One lightweight champion Eduard Folayang, interesado na sumabak sa isang wushu-karate striking match

written by Gilbert Perdez

Interesado si two-time One lightweight champion Eduard Folayang na sumabak sa isang wushu-karate striking match.

Ginawa ni Folayang ang pahayag matapos gibain si muay thai legend John Wayne Parr sa “ONE X” card.

Ayon kay Folayang, nais niyang maging bahagi ng ONE Super Series na tatampukan ng muay thai at kickboxing fights.

Aminado rin ang Pinoy fighter na tumaas ang kanyang kumpiyansa makaraang mapataob niya si Parr.

April 2, 2022 0 comment

HEADLINES NATIONAL NEWS

CSC, pinag-aaralan ang bagong work agreements na imunumungkahi ng MMDA

written by Gilbert Perdez

Pinag-aaralan na ng Civil Service Commission (CSC) ang bagong work arrangements na iminungkahi ng (MMDA) Metropolitan Manila Development Authority.

Ayon kay MMDA General Manager Frisco San Juan Jr., layunin nitong mabawasan ang bigat ng daloy ng trapiko tuwing rush hours, lalo na sa Metro Manila.

Sinabi ni San Juan na inaasahan nilang magkakaroon na ng konting linaw ang kanilang suhestiyon o katuparan sa mga darating na araw.

April 2, 2022 0 comment

HEADLINES NATIONAL NEWS

Implementasyon ng bagong number coding scheme, aarangkada na pagkatapos ng May 2022 election upang maibsan ang pagsisikip ng trapiko sa NCR

written by Gilbert Perdez

Aarangkada na pagkatapos ng May 2022 elections ang implementasyon ng bagong number coding scheme upang maibsan ang pagsisikip ng daloy ng trapiko sa National Capital Region (NCR).

Ito ang inihayag ni Metropolitan Manila Development Authority (MMDA) General Manager Frisco San Juan Jr. sa isang Laging Handa briefing.

Sinabi ni San Juan na patuloy pa ring pinag-aaralan ang panukalang 40-50% vehicle reduction sa mga lansangan.

Kabilang sa unang opsiyon na pinag-aaralan ay ang pagpapatupad ng 50% volume reduction plan kung saan ang mga sasakyan na nagtatapos ng ‘even numbers’ ang plaka ay bawal bumiyahe sa NCR tuwing Martes at Biyernes habang bawal naman ang mga may ‘odd numbers’ tuwing Lunes at Huwebes.

Bukod dito, kasama rin sa mga opsiyon ang 40% reduction plan kung saan bawal ding lumabas sa Metro Manila sa loob ng dalawang araw ang mga sasakyan kada linggo at may kanya-kanya ring schedule base sa kanilang plaka.

Posibleng ipatupad ang parehong opsiyon tuwing rush hour o alas-siete ng umaga hanggang alas-10 ng umaga at alas-5 ng hapon hanggang alas-8 ng gabi.

April 2, 2022 0 comment

METRO PATROL NATIONAL NEWS

Dalawang indibidwal, arestado matapos mahulihan ng hinihinalang shabu sa Taguig

written by Gilbert Perdez

Arestado ang dalawang indibidwal matapos mahulihan ng hinihinalang shabu sa Pulse St., Arca South, Brgy. Western Bicutan, Taguig City.

Kinilala ang mga suspek na sina Rolando Gayas at Christian Castillo, pawang nakatira sa nasabing lungsod.

Bukod sa P500 buy-bust money, nasabat din sa operasyon ang halos P70K halaga ng hinihinalang shabu.

April 2, 2022 0 comment

HEADLINES METRO PATROL

Dalawang tulak umano ng shabu, patay sa isinagawang buy-bust operation sa Taguig

written by Gilbert Perdez

Nagwakas ang maliligayang araw ng dalawang tulak umano ng shabu matapos masakote sa isinagawang buy-bust operation ng mga pulis sa J. Ramos St., Brgy. Ibayo-Tipas, Taguig.

Ayon sa pulisya, nakilala ang mga suspek na sina Allan Bobotiok at Mercindo Bobotiok, parehong nakatira sa nasabing barangay.

Isang pulis ang nagpanggap na bibili ng droga mula sa mga suspek at nang magkaabutan na ng pera ipinagbabawal na gamot ay doon na pinosasan ang mga ito.

Nasabat sa operasyon ang higit 39,000 pesos na halaga ng hinihinalang shabu, isang pitaka, at dalawang daang pisong buy-bust money.

Mahaharap sa kaukulang reklamo ang mga naturang suspek.

April 2, 2022 0 comment

METRO PATROL NATIONAL NEWS

Apat na indibidwal, arestado matapos mahulihan ng shabu sa Paranaque City

written by Gilbert Perdez

Kalaboso ang apat na indibidwal, kabilang ang dalawang construction workers at isang driver, makaraang mahulihan ng ipinagbabawal na droga sa Clinic Ville, Brgy. BF Homes, Parañaque City.

Kinilala ang mga suspek na sina Dionesio Guevarra Bejer, Metucila Castillo Bachao, June Dela Cruz Orale at Romnil Labong Tamayo.

Nakumpiska sa operasyon ang tinatayang sampung gramo ng umano’y shabu na nagkakahalaga ng P68K, P1,500 na buy-bust money at pitaka.

Nakakulong na ngayon ang apat na suspek sa custodial facility habang inihahanda ang kaukulang reklamong isasampa laban sa mga ito.

April 2, 2022 0 comment

HEADLINES METRO PATROL

Dalawang lalaki, kulong matapos mahulihan ng shabu at baril sa Muntinlupa City

written by Gilbert Perdez

Naghihimas ngayon ng malamig na rehas na bakal ang dalawang lalaki matapos mahulihan ng umano’y shabu at baril sa Purok 4 Extension, Brgy. Alabang, Muntinlupa City.

Kinilala ang mga suspek na sina Mark Louie Mercado, 26 years old at Jose Baldonado Jr., 23 years old at isang bodegero.

Ayon kay SPD o Southern Police District Director PBGEN Jimili Macaraeg, nakuhanan sina Mercado at Baldonado ng higit 24,000 pesos na halaga ng umano’y shabu at dalawang kalibre .38 na baril at walong bala.

Nakakulong na ngayon ang dalawang suspek at nakatakdang sampahan ng kaukulang reklamo.

April 2, 2022 0 comment

HEADLINES METRO PATROL

Nahuhuling lumalabag sa gun ban na ipinatutupad ng Comelec, nadagdagan muli

written by Gilbert Perdez

Nadagdagan na naman ang bilang ng mga nahuhuling lumalabag sa Omnibus Election Code o gun ban na ipinatutupad ng (Comelec) Commission on Elections.

Ito’y makaraang maaresto ang isang Ruwel Dela Cruz sa Sitio Imelda, Brgy Upper Bicutan, Taguig City dahil sa pagdadala ng hindi lisensyadong baril.

Bitbit ang search warrant na inisyu ng korte, hinalughog ng mga pulis at mga barangay officials ang tahanan ni Dela Cruz kung saan nakumpiska rito ang isang kalibre .38 baril, isang cellphone at ilang piraso ng mga bala.

Ayon sa (SPD) Southern Police District, ikinasa ang operasyon bilang bahagi ng paghahanda ng Phil. National Police para sa malinis at mapayapang eleksiyon.

April 2, 2022 0 comment

Newer Posts

Older Posts