Gilbert Perdez

Umakyat na sa P100,000.00 ang nakalaang pabuya para sa sinumang makapagbibigay ng impormasyon sa ikadarakip ng suspek na nasa likod ng brutal na pagpatay at panggagahasa sa 23 – anyos na dalagang bank employee na sinunog pa ang bangkay sa Pasig City.

Naniniwala si Pasig City Chief Police, Senior Superintendent Orlando Yebra na sa ganitong paraan ay mapapabilis ang pag – resolba ng kaso ng pagpatay sa biktimang si Mabel Cama na natagpuang wala nang buhay noong nakalipas na Nobyembre 12 sa Ortigas Avenue Extension sa Barangay Rosario.

Ayon kay Yebra, ang P50,000.00 ay galing sa isang nagmagandang loob na pribadong indibidwal na kaibigan ng Pasig City Police habang isa pang P50,000.00 ay mula sa alkalde ng Paracale, Camarines Norte.

Humirit ng diyalogo ang Angkas sa Land Transportation Franchising and Regulatory Board o LTFRB, kasama ang ibang sektor, para sa kapakanan ng riding public na nawalan ng opsyon sa transportasyon sa gitna ng lumalalang sitwasyon ng trapiko sa kalakhang Maynila.

Sa kanilang liham kay LTFRB Chairman Martin Delgra, binigyang – diin nina Angeline Tham at David Medrana ng Angkas na wala silang ibang layunin kundi ang makatulong sa mga mananakay na naghahanap ng alternatibong masasakyan dahil sa traffic congestion.

Maliban dito, nangako naman ang Angkas na tuluyan na nilang ititigil ang kanilang mga operasyon sa Metro Manila sa simula, ngayong Nobyembre 18, 2017.

Nangangamba din ang Angkas na baka lalo pang mamayagpag ang iligal na operasyon ng habal – habal dahil sa kawalan ng tamang regulasyon na higit pang maglalagay sa peligro sa mga mananakay.

Una nang ipinasara ng lokal na pamahalaan ng Makati ang tanggapan ng Angkas sa lungsod dahil sa kawalan ng business permit para makapag – operate.

Sa pamamagitan ng Angkas app o application, nakakakuha ng mga pasahero ang kompanya sa pamamagitan ng internet, katulad ng Uber at Grab, pero motorsiklo ang ginagamit ng mga tsuper sa kanilang operasyon.