Author

Gilbert Perdez

Angelica Doctolero

Higit 14k na pamilya nakauwi na sa kani–kanilang mga tahanan sa Marawi City – Andanar

Ginagawa ng pamahalaan ang lahat ng makakaya nito upang maging payapa at masagana ang Marawi City habang dumarami ang mga bumabalik na internally displaced persons o IDP’s.

Ayon kay Presidential Communications Secretary Martin Andanar, batay sa ulat ng Task Force Bangon Marawi, umaabot na sa 14,319 na pamilya o 71,595 na indibidwal ang mga nakauwi na sa kani – kanilang mga tahanan sa 19 na barangay sa lungsod.

Pahayag ni Andanar, lahat ng mga pamilyang nagsibalik sa siyudad ay pinagkalooban ng mga pangunahing serbisyo at programang pangkabuhayan upang makapagsimula muli.

Kinabibilangan aniya ito ng financial assistance, pabaon food packs, hygiene kits at kitchen kits.

Target ng militar na tapusin ang clearing operations sa Marawi sa Abril ng susunod na taon.

Mahalaga aniyang malinis mula sa mga bomba ang buong main battle area bago pabalikin ang mga residente at papasukin ang demolition team na maglilinis sa lungsod.

December 9, 2017 0 comment

HEADLINES

‘Emergency powers’ nais ipa–certify bilang urgent ni Sen. Poe

written by Gilbert Perdez

Nais ni Senador Grace Poe na i-certify bilang urgent ni Pangulong Rodrigo Duterte ang panukalang ‘emergency powers’ upang maresolba ang lumalalang pagsisikip ng daloy ng trapiko sa kalakhang Maynila.

Paliwanag ni Poe, mahalagang tingnan ang mga lungsod ng Roma, Tokyo, London at New York na una nang tumugon sa hamon ng pagbabago sa pamamagitan nang maayos na pagpaplano.

Magugunitang binigyang – diin ni Pangulong Duterte sa kanyang talumpati sa isang event sa Pampanga na dapat nang isara ang Metro Manila para sa investments at ibigay ito sa probinsya.

Subalit ipinunto ni Poe na bago maisakakatuparan ang mga repormang hangad ng Punong Ehekutibo sa Pampanga at iba pang lugar sa bansa ay dapat muna nitong paluwagin ang kalakhang Maynila sa pamamagitan ng pangmatagalang solusyon.

Nakabinbin pa rin sa plenaryo ng Senado at Kamara ang panukalang ‘emergency powers’ o ‘Traffic Bill’.

December 9, 2017 0 comment

HEADLINES

Pagtakda ng 25% contingency reserve requirement sa power generating companies, isinusulong

written by Gilbert Perdez

Isinusulong ng Department of Energy o DOE ang pagtatakda ng 25% na contingency reserve requirement para sa power generating companies.

Ayon kay Energy Secretary Alfonso Cusi, ito’y upang maibigay sa mga consumers ang sapat na suplay ng kuryente sa tuwing tumataas ang demand, maiwasan ang power plant shutdowns at iba pang aberya.

Sa ginanap na Energy Investment Forum 2017, binigyang – diin ni Cusi na kasalukuyan na nilang binubuo ang isang ‘resiliency plan’ para sa sektor ng eherhiya upang maibsan ang epekto ng mga natural na kalamidad.

Idiniin din ng opisyal, hindi lamang ang kahalagahan ng energy security issues, kundi maging ang pakinabang ng energy sector sa public – private partnership o PPP.

December 9, 2017 0 comment

HEADLINES

Consumer confidence sa bansa sa huling quarter ng taon, bahagyang bumaba

written by Gilbert Perdez

Bahagyang bumaba ang consumer confidence sa bansa sa huling quarter ng taong kasalukuyan dahil umano sa isyu ng extra judicial killings (EJK’s), droga at pag – atake ng mga terorista.

Ayon kay Rosabel Guerrero ng Bangko Sentral ng Pilipinas (BSP), mula sa dating 10.2% ay sumadsad sa 9.5% ang consumer confidence index na mas mababa ng kaunti kumpara sa kaparehong panahon noong 2016.

Gayunman, nilinaw ni guerrero na nasa “positive territory” pa rin ito simula nang umupo si Pangulong Rodrigo Duterte noong Hunyo ng nakaraang taon.

Itinuturing din ito bilang “third highest” na antas ng kumpiyansa ng mga consumers mula nang ilunsad ang survey noong 2007 sa ilalim ng Arroyo administration.

Sinasabing ito ay hindi maitatangging kakawing ang indikasyong mataas ding tiwala ng consumers sa pamahalaang Duterte.

December 9, 2017 0 comment

NATIONAL NEWS

Halos 5,000 scholarship para sa mga manggagawa alok ng TESDA

written by Gilbert Perdez

Sa gustong matutong magsulat at magsalita ng ibang wika, may alok ang Technical Education and Skills Development Authority o TESDA na hanggang 5,000 scholarship para sa mga manggagawa.

Ayon kay Rosanna Urdaneta, Deputy Director General for Policies and Planning ng Overseas Workers Welfare Administration o OWWA, sa halos 5,000 scholarship na ipamimigay ng TESDA, puwedeng mamili sa mga kursong English, Japanese, Mandarin, Arabic, Spanish, Russian, German, at Bahasa.

Prayoridad ng ahensya ang mga OFW o Overseas Filipino Workers at pati na rin ang mga nagtatrabaho sa Pilipinas.

Nabatid na “first-come, first-served basis” ang scholarship at para maka-avail nito, kailangang Pilipino ang aplikante, hindi bababa sa 18 taong gulang at high school graduate.

Puwede ring mag-register online sa website ng TESDA na www.tesda.gov.ph at hintayin ang kanilang text o tawag.

—-

November 25, 2017 0 comment

NATIONAL NEWS

Pinoy chef sa Dubai patay sa stroke

written by Gilbert Perdez

Patay ang isang Pinoy chef matapos itong ma-stroke sa Dubai.

Nabatid na ang 45-anyos na si Chef Jose Arnold Aguilar ng Cotabato ay nagtrabaho na ng limang taon doon pero umalis ito sa kanyang amo dahil sa salary dispute.

Ayon kay Volunteer Social Worker Reynaldo Angulo, isang buwan pa lamang mula nang bumalik sa Dubai si Aguilar upang muling makipagsapalaran kahit na visit visa lamang ang dala nito.

Naratay muna ang biktima ng ilang araw sa Rashid Hospital’s Intensive Care Unit bago binawian ng buhay noong Nobyembre 20.

Inaasikaso na ang pagpapabalik ng labi ni Aguilar sa Pilipinas.

—-

November 25, 2017 0 comment

HEADLINES

Justice Secretary Aguirre handang humarap sa mga senador

written by Gilbert Perdez

Iginiit ni Justice Secretary Vitaliano Aguirre na handa siyang humarap sa mga senador.

Ito aniya ay kung sakaling ipatawag para magpaliwanag sa ginawang pag-abswelto ng Department of Justice o DOJ kay dating Bureau of Customs o BOC Chief Nicanor Faeldon at iba pang opisyal na idinadawit sa nadiskubreng bilyun-bilyong halaga ng shabu na naipasok sa bansa mula China.

Nilinaw ni Aguirre na hindi maaaring makialam ang kanyang tanggapan sa trabaho ng National Prosecution Service o NPS na siyang nagsagawa ng preliminary investigation sa reklamong iniharap sa DOJ ng Philippine Drug Enforcement Agency o PDEA.

Gusto lang aniyang palabasin ng mga mambabatas at ng kanyang mga kritiko na kumukuwestiyon sa resolusyon na dinidiktahan niya ang mga taga-usig.

Paliwanag naman ni Assistant State Prosecutor Aristotle Reyes, ibinatay lamang nila ang desisyon sa kaso sa mga inilatag na ebidensya ng complainant.

—-

November 25, 2017 0 comment

HEADLINES NATIONAL NEWS

Presyo ng bigas walang dahilan para tumaas—DA

written by Gilbert Perdez

Binigyang diin ng Department of Agriculture o DA na walang dahilan para sumipa ang presyo ng bigas sa pamilihan.

Ginawa ni Agriculture Secretary Manny Piñol ang pahayag kasunod ng napaulat na may nagaganap na pagtaas sa halaga ng bigas sa bansa.

Pahayag ni Piñol, self-sufficient naman ang bansa at walang kakapusan sa suplay ng bigas.

Gayunman, iginiit ni Piñol na dapat ding malinawan ang ulat na kontrolado ng rice cartel ang usapin sa rice industry.

Samantala, nilinaw naman ng National Food Authority o NFA na wala namang nagaganap na pagtaas sa halaga ng NFA rice dahil nananatiling P27.00 ang presyo ng regular milled rice at P35.00 naman ang well-milled rice.

—-

November 25, 2017 0 comment

HEADLINES NATIONAL NEWS

Bagong limited edition 10-peso coins inilabas ng BSP

written by Gilbert Perdez

Nagpalabas na ng bagong 10-peso coins ang Bangko Sentral ng Pilipinas o BSP na limited edition.

Naka-disenyo rito ang larawan ni Heneral Antonio Luna bilang paggunita ng bansa sa ika-150th birth anniversary ng bayani.

Matatandaang si Luna ang namuno sa mga tropa ng Pilipinas sa naganap na Philippine-American War.

Nakasulat din sa barya ang portrait ni Luna habang nakasaad ang Republika ng Pilipinas sa gilid na may denomination, mintmark at signature ng heneral.

Sa kabuuan, 10 milyon piraso lamang ng special Luna coins ang inilabas ng BSP na maaari nang makapagpalit simula kahapon, Nobyembre 24, sa cash department ng BSP main office sa Maynila.

Ayon sa Central Bank, magiging available naman ang commemorative coins sa lahat ng BSP branches sa buong bansa sa susunod na buwan.

—-

November 25, 2017 0 comment

HEADLINES NATIONAL NEWS

Balasahan sa POEA nakaamba

written by Gilbert Perdez

May nakaambang balasahan sa Philippine Overseas Employment Administration o POEA.

Ito, ayon kay Labor Undersecretary Dominador Say, ay para matugunan ang mga ulat na may ilang opisyal at empleyado na hinihinalang sangkot sa illegal recruitment at iba pang anomalya sa ahensya.

Giit ni Say, iniimbestigahan na nila ang mga napaulat na pambibiktima ng mga illegal recruiter sa mga Overseas Filipino Workers o OFW at mga directly hired na manggagawa.

Matatandaang nagpatupad na ang Department of Labor and Employment o DOLE ng balasahan noong Enero pero mas malawak umanong revamp ang ipatutupad sa mga susunod na araw.

—-

November 25, 2017 0 comment

Newer Posts

Older Posts