Author

Gilbert Perdez

DWIZ 882

Leachon isiniwalat na hindi na siya ang adviser ng national pandemic task force ng gobyerno

Isiniwalat ni Dr. Tony Leachon na hindi na siya ang adviser ng national pandemic task force ng gobyerno na siyang nangunguna sa pagtugon ng bansa sa coronavirus disease 2019 (COVID-19) outbreak.

https://twitter.com/DrTonyLeachon/status/1273135071743139841

Sa kanyang post sa Twitter, sinabi ni Leachon na marami siyang magagandang alaala pero kailangan na niyang mag-move on.

Bagama’t hindi niya binanggit ang dahilan, idinagdag ni Leachon na mataas ang respeto niya kay COVID-19 Policy Chief Implementer Secretary Carlito Galvez at mananatili aniya silang magkaibigan.

June 17, 2020 0 comment

ENTERTAINMENT

Pre-father’s day concert ni Gary V inaabangan na

written by Gilbert Perdez

Inaabangan na ng mga fans ni Gary Valenciano ang kanyang online pre-Father’s Day concert na pinamagatang “Faith, Hope, Love” na isasagawa sa Sabado, ika-20 ng Hunyo, bandang alas-9:00 ng gabi.

Ang concert ay produced ng Kapamilya Network Apart at ipapalabas sa Star Music, MYX, MOR, TFC channels, gayundin sa kanilang social media platforms.

Sinasabing ang makakalap na pondo sa konsiyerto ay mapupunta sa ‘Pantawid ng Pag-Ibig program’ at ido-donate sa mga apektado ng coronavirus disease 2019 (COVID-19) pandemic.

June 17, 2020 0 comment

INTERNATIONAL NEWS

Facebook engineer sinibak matapos batikusin si Zuckerberg

written by Gilbert Perdez

Sinibak ng Facebook Inc. ang isang empleyado nito matapos umanong batikusin ang pagbalewala ni Chief Executive Mark Zuckerberg sa ilang posts ni US President Donald Trump na nag-ugat sa Black Lives Matter protest.

Ayon sa ulat, natanggal sa trabaho si Interface Engineer Brandon Dail nang isapubliko ang kanyang banat laban sa isang katrabaho na tumangging isama ang ‘statement of support’ sa grupong nangunguna sa protesta sa pagkamatay ni black American George Floyd.

Sa kanyang tweet, binigyang diin ni Dail na tila napasok na ng pulitika ang kanilang platform kaya ayaw nitong magsalita tungkol sa isyu.

Bagama’t winarningan umano si Dail, hindi naman binaklas ng Twitter at Facebook ang naturang posts.

June 14, 2020 0 comment

HEADLINES NATIONAL NEWS

Higit 4-M Pinoy sa bansa stranded dahil sa COVID-19 —SWS

written by Gilbert Perdez

Tinatayang 4.1-milyong Pilipino ang na-stranded sa iba’t ibang panig ng bansa sa gitna ng ipinatutupad na quarantine measures dulot ng coronavirus disease 2019 (COVID-19) pandemic.

Sa isinagawang special survey ng Social Weather Stations (SWS) mula May 4 hanggang May 10, karamihan dito ay nasa mga lugar na sentro ng kalakalan, kabilang ang isang babae na nasawi sa Pasay City habang naghihintay ng masasakyan pauwi ng Bicol.

Mahigit 4,000 Pinoy ang isinalang sa mobile phone at computer-assisted interviews kung saan lumitaw na karamihan sa mga na-stranded ay mga kalalakihan at edad 24 pababa.

Ayon sa SWS, ang bilang ng mga na-stranded na tao ay ibinatay nila sa 2020 projected population ng 75.8 milyong working-age persons ngayong taon.

June 14, 2020 0 comment

HEADLINES

Oil price hike asahan sa darating na linggo

written by Gilbert Perdez

Nakaamba na namang tumaas muli ang presyo ng produktong petrolyo ngayong linggo.

Ayon sa mga taga-industriya, papalo sa P0.90 hanggang P1 kada litro ang magiging dagdag-singil sa diesel at gasolina simula Martes, Hunyo 16.

Magkakaroon naman ng dagdag-presyo sa kerosene na P0.70 hanggang P0.80.

Sinasabing ito na ang ika-anim na sunod-sunod na price hikes sa langis mula nang luwagan ng gobyerno ang quarantine measures sa iba’t ibang bahagi ng bansa.

June 14, 2020 0 comment

NATIONAL NEWS

Bilang ng mga Pinoy na gumaling sa COVID-19 umakyat na sa 5,454

written by Gilbert Perdez

Sumampa na sa 5,454 ang kabuuang bilang ng mga gumaling sa coronavirus disease (COVID-19) 2019 sa Pilipinas.

Ito’y makaraang makapagtala ang Department of Health (DOH) ng 289 na bagong recoveries.

Gayunman, 615 na bagong kaso naman ang nadagdag sa listahan ng DOH, kasama na rito ang 336 fresh cases habang 279 ang late cases.

Dahil dito, nasa 24,787 na ang kabuuang bilang ng mga tinamaan ng COVID-19 sa buong bansa.

Samantala, umabot na sa 1,052 ang bilang ng mga nasawi kasunod ng pagpanaw ng 16 pang pasyente.

June 12, 2020 0 comment

RONDA PROBINSYA

8 new COVID-19 cases naitala sa Cordillera

written by Gilbert Perdez

Nakapagtala ng walong bagong kaso ng coronavirus disease 2019 (COVID-19 ang Cordillera Administrative Region (CAR).

Dahil dito, umakyat na sa 26 ang aktibong kaso sa CAR, isa ang namatay at 45 na ang gumaling sa sakit.

Sa nabanggit na bilang, pinakamarami pa rin sa Benguet na mayroong apat na positive cases.

Samantala, ayon naman kay Baguio City Mayor Benjamin Magalong, nasa 400 drivers ang isinasalang nila sa COVID-19 testing kada araw bilang requirement para makabiyahe ang mga ito sa lungsod.

June 12, 2020 0 comment

HEADLINES

Isa pang health worker iginupo ng COVID-19

written by Gilbert Perdez

Isa na namang health worker ang iginupo ng coronavirus disease 2019 (COVID-19).

Ayon sa Department of Health (DOH), ang pinakahuling pumanaw na pasyente ay isang non-medical staffer.

Una rito, nakapagtala na rin ang DOH ng 25 doctors at 3 nurses na nasawi rin dahil sa COVID-19.

Makakatanggap ng P1 milyon ang bawat pamilya na namatayan ng kaanak na nagtatrabaho sa health sector.

June 12, 2020 0 comment

INTERNATIONAL NEWS

State of emegency idineklara sa Nigeria dahil rape incidents

written by Gilbert Perdez

Nagdeklara ng state of emergency ang mga state governors sa Nigeria dahil sa umano’y talamak na kaso ng rape at karahasang sekswal laban sa mga kababaihan.

Kasabay nito, nanawagan ang Nigerian Governor’s Forum (NGF) sa mga awtoridad sa 36 estado na lumikha ng listahan ng mga sex offenders at lagdaan ang dalawang federal laws na nagpapataw ng mabigat na parusa laban sa mga salarin.

Humihingi rin ng impormasyon ang mga gobernador sa mga hepe ng pulisya ukol sa mga hakbang na ginagawa nila kaugnay ng lumalalang kaso ng karahasan at pang-aabusong sekswal sa kanilang bansa.

Una rito, sumiklab ang kaliwa’t kanang protesta sa Nigeria matapos sunod-sunod na panggagahasa sa mga babaeng estudyante kung saan ilan dito’y brutal na sinaktan at pinatay.

June 12, 2020 0 comment

ENTERTAINMENT

Pagbabalik ng ‘It’s Showtime’ inaabangan na

written by Gilbert Perdez

Sa kauna-unahang pagkakataon matapos ang tatlong buwan, muling nagkita-kita sa ABS-CBN studio ang mga hosts ng “It’s Showtime.”

Ang pagkikita nina Vice Ganda, Vhong Navarro, Jhong Hilario, at iba pa kahapon ay rehearsal lamang at hudyat umano ng pagbabalik nila mamayang tanghali sa Kapamilya channel.

Inaasahan namang hindi pa makakabalik sa show ang bagong panganak na si Anne Curtis, gayundin si Mariel Padilla na kapapanganak lang din noong November 2019.

June 12, 2020 0 comment

Newer Posts

Older Posts